قازاقستاندا الەۋمەتتىك يدەيالار مەن جوبالاردى جۇزەگە اسىرۋ ءۇشىن كراۋدفاندينگ الاڭى ىسكە قوسىلدى.
Asarga.kz سايتى الەۋمەتتىك، ءبىلىم بەرۋ، مادەني-گۋمانيتارلىق سيپاتتاعى وزەكتى ماسەلەلەردى شەشۋدە ۇكىمەتتىك ەمەس ۇيىمدار مەن بيزنەستىڭ ءوزارا ارەكەتتەسۋىن دامىتۋعا تولىعىمەن باعىتتالعان قازاقستانداعى العاشقى كراۋدفاندينگ الاڭى بولىپ تابىلادى.
جوبا جەتەكشىسى، «Social Development Center» قوعامدىق قورىنىڭ اتقارۋشى ديرەكتورى ءبىرجان قازتۇرعانوۆتىڭ ايتۋىنشا asarga.kz پورتالىڭ باسقا كراۋدفاندينگ پلاتفورمالارىنان ءبىر ماڭىزدى ەرەكشەلىگى بار. ول جەكە تۇلعالاردان تىكەلەي قاراجات جيناۋ مۇمكىندىگىن جوقتىعى.
«ءبىز بيزنەستەن ينۆەستيتسيا مەن دەمەۋشىلىك تارتۋعا بەل بۋدىق. پورتال وزىنشە ءبىر ۆيتريناعا، «الەۋمەتتىك جوبالار سۋپەرماركەتىنە» اينالاۋى ءتيىس. مۇندا كاسىپكەرلەر مەن ءىرى كومپانيالار وزدەرىن قىزىقتىراتىن جانە مۇمكىندىكتەرىنە ساي الەۋمەتتىك جوبالاردى تابا الادى، ال كوممەرتسيالىق ەمەس ۇيىمدار ءوز يدەيالارىن جۇزەگە اسىرۋ ءۇشىن قاراجات تارتا الادى»، – دەيدى ءبىرجان قازتۇرعانوۆ.
مەملەكەت، بيزنەس جانە ازاماتتىق قوعام اراسىنداعى سەرىكتەستىكتى دامىتۋ ماسەلەلەرى تۇراقتى تۇردە تىڭدالادى. جۋىردا عانا ەل پرەزيدەنتى قاسىم-جومارت توقاەۆ ءوزىنىڭ جىل سايىنعى جولداۋىندا «ازامات – بيزنەس – مەملەكەت» ترياداسىنداعى قارىم-قاتىناستاردى تەرەڭ قايتا قۇرۋ قاجەتتىگىن ايتقان بولاتىن.
الايدا، «Social Development Center» قوعامدىق قورىمەن سۇحباتتاسقان ساراپشىلاردىڭ پىكىرىنشە، سەرىكتەستىكتىڭ تابىستى ۇلگىلەرىنىڭ بولۋىنا قاراماستان، ۇكىمەتتىك ەمەس ۇيىمدار سەكتورىن دامىتۋعا دا، بيزنەستى دامىتۋ مۇمكىندىكتەرىنە دە قاتىستى ۇشجاقتى ىنتىماقتاستىقتى جاقسارتۋدا بىرقاتار پروبلەمالار مەن قيىندىقتار بار.
قوعام ماسەلەلەرىنە بيزنەستىڭ قىزىعۋشىلىعىنىڭ ارتۋى جاعىمدى ءسات بولىپ تابىلادى. ۇشجاقتى سەرىكتەستىكتى تالداۋ اياسىندا ءبىز بارلىق ءۇش سەكتوردىڭ وكىلدەرى اراسىندا ساۋالناما جۇرگىزدىك. ءبىز ساۋالناما جۇرگىزگەن رەسپوندەنتتەردىڭ 53%-دان استامى قازاقستاندىق كاسىپكەرلەربيزنەستىڭ الەۋمەتتىك جاۋاپكەرشىلىگى قاعيداتتارىن جۇزەگە اسىرۋعا ابدەن ءپىسىپ-جەتىلدى دەپ ەسەپتەيدى»، – دەگەن مالىمەتتى جوبا وكىلى بەيبىت تۋراباەۆ بەردى.
