Elimizde kraýdfandıng alańy iske qosyldy

2282
Adyrna.kz Telegram

Qazaqstanda áleýmettik ıdeıalar men jobalardy júzege asyrý úshin kraýdfandıng alańy iske qosyldy.

Asarga.kz saıty áleýmettik, bilim berý, mádenı-gýmanıtarlyq sıpattaǵy ózekti máselelerdi sheshýde úkimettik emes uıymdar men bıznestiń ózara árekettesýin damytýǵa tolyǵymen baǵyttalǵan Qazaqstandaǵy alǵashqy kraýdfandıng alańy bolyp tabylady.

Joba jetekshisi, «Social Development Center» qoǵamdyq qorynyń atqarýshy dırektory Birjan Qazturǵanovtyń aıtýynsha asarga.kz portalyń basqa kraýdfandıng platformalarynan bir mańyzdy ereksheligi bar. Ol jeke tulǵalardan tikeleı qarajat jınaý múmkindigin joqtyǵy.

«Biz bıznesten ınvestıııa men demeýshilik tartýǵa bel býdyq. Portal ózinshe bir vıtrınaǵa, «áleýmettik jobalar sýpermarketine» aınalaýy tıis. Munda kásipkerler men iri kompanııalar ózderin qyzyqtyratyn jáne múmkindikterine saı áleýmettik jobalardy taba alady, al kommerııalyq emes uıymdar óz ıdeıalaryn júzege asyrý úshin qarajat tarta alady», – deıdi Birjan Qazturǵanov.

Memleket, bıznes jáne azamattyq qoǵam arasyndaǵy seriktestikti damytý máseleleri turaqty túrde tyńdalady. Jýyrda ǵana el Prezıdenti Qasym-Jomart Toqaev óziniń jyl saıynǵy joldaýynda «azamat – bıznes – memleket» trıadasyndaǵy qarym-qatynastardy tereń qaıta qurý qajettigin aıtqan bolatyn.

Alaıda, «Social Development Center» qoǵamdyq qorymen suhbattasqan sarapshylardyń pikirinshe, seriktestiktiń tabysty úlgileriniń bolýyna qaramastan, úkimettik emes uıymdar sektoryn damytýǵa da, bıznesti damytý múmkindikterine de qatysty úshjaqty yntymaqtastyqty jaqsartýda birqatar problemalar men qıyndyqtar bar.

Qoǵam máselelerine bıznestiń qyzyǵýshylyǵynyń artýy jaǵymdy sát bolyp tabylady. Úshjaqty seriktestikti taldaý aıasynda biz barlyq úsh sektordyń ókilderi arasynda saýalnama júrgizdik. Biz saýalnama júrgizgen respondentterdiń 53%-dan astamy qazaqstandyq kásipkerlerbıznestiń áleýmettik jaýapkershiligi qaǵıdattaryn júzege asyrýǵa ábden pisip-jetildi dep esepteıdi», – degen málimetti joba ókili Beıbit Týrabaev berdi.

Pikirler