قازاقستاندىقتار قوعامدىق ورىنداردا بالاعات سوزدەر ايتقانى ءۇشىن 69 مىڭ تەڭگە ايىپپۇل تولەمەك. بۇل تۋرالى قر ءىىم اكىمشىلىك پوليتسيا كوميتەتى باسقارما باستىعىنىڭ ورىنباسارى ازامات قۇرىمباەۆ حابارلادى، دەپ جازادى "ادىرنا" ۇلتتىق پورتالى.
«جاڭا رەداكتسيادا قوعامدىق ورىنداردا ادەپسىز سوزدەر ايتۋ، جەكە تۇلعالاردى بالاعاتتاۋ، عيماراتتاردى، قۇرىلىستاردى، تۇرعىن ءۇي-جايلاردى، قوعامدىق ورىنداردى، كولىكتەگى جانە قوعامدىق ورىندارداعى مۇلىكتى قاساقانا ءبۇلدىرۋ بۇزاقىلىق رەتىندە قاراستىرىلادى. قازىرگى ۋاقىتتا مۇنداي ۇساق بۇزاقىلىق جاساعانى ءۇشىن 5 اەك، ياعني 17 250 تەڭگە ايىپپۇل نەمەسە 15 تاۋلىككە دەيىن قاماۋعا الۋ تۇرىندە جازا تاعايىندالادى. ال جاڭا رەداكتسيا بويىنشا ايىپپۇل 20 اەك (69 000 تەڭگە), ال قاماۋعا الۋ مەرزىمى 5 تاۋلىكتەن 30 تاۋلىككە دەيىن بولادى»، - دەدى ازامات قۇرىمباەۆ.
تۇزەتۋلەر ياعني 2023 جىلدىڭ ناۋرىز ايىنىڭ باسىنان باستاپ كۇشىنە ەنەدى.
"ادىرنا" ۇلتتىق پورتالى
