“ازاماتتىق العىسى كەلگەندەردىڭ انا ءتىلىمىزدى ءبىلۋى - مىندەت” - مينيستر مارات احمەتجانوۆ

2754
Adyrna.kz Telegram

ەندى قازاقستان ازاماتتىعىن الۋ ءۇشىن مەملەكەتتىك ءتىلدى، تاريح پەن اتا-زاڭدى ءبىلۋ مىندەتتى. بۇل جايلى قر ىشكى ىستەر ءمينيسترى مارات احمەتجانوۆ ايتتى، دەپ حابارلايدى “ادىرنا” ۇلتتىق پورتالى.

«بىرىنشىدەن، قازاقستان ازاماتتىعىن الۋ ءۇشىن مەملەكەتتىك ءتىلدى، ءبىزدىڭ تاريحىمىز بەن كونستيتۋتسيامىزدى قاراپايىم دەڭگەيدە ءبىلۋ مىندەتتى بولماق. ەكىنشىدەن، قوس ازاماتتىق فاكتىلەرىنە جاۋاپكەرشىلىكتى قاتاڭداتۋ كوزدەلىپ وتىر. ەگەر قازاقستان ازاماتىنىڭ جەكە باسىن راستايتىن قۇجاتى بار قانداي دا ءبىر ادام باسقا ەلدىڭ ازاماتتىعىن راستايتىن قۇجاتتى پايدالانسا، كوشى-قون قىزمەتى ول ادامدى ءبىزدىڭ ازاماتتىقتان ايىرادى. سونىمەن بىرگە، ادام ازاماتتىقتى العاننان كەيىن التى اي ىشىندە بۇرىنعى ەلدىڭ ازاماتتىعىن توقتاتقانى تۋرالى انىقتاما ۇسىنباسا، ونداي ادامدار دا بۇدان بىلاي قازاقستان ازاماتى بولمايدى. قازىرگى زاڭنامادا مۇنداي شارالار قاراستىرىلماعان ەدى»، - دەدى مينيستر.

“ادىرنا” ۇلتتىق پورتالى

پىكىرلەر