پەرزەنتتەرىن ۇلتتىق تاربيەمەن سۋسىنداتىپ، قازاقىلىقتىڭ قاينارىنا بويلاتقان قوعام بەلسەندىسى بيبىگۇل ابدىعالي نەمەرەسىمەن بولعان ەكەۋارا سۇحباتپەن ءبولىستى. كەشقۇرىمدا اجەسىمەن وربىگەن اڭگىمەلەسۋدە نەمەرەسى قوعامداعى قازاق ءتىلىنىڭ مارتەبەسىن ناقتى تانىتادى. اجەسىنىڭ كوز قۋانىشى، كوڭىل سۇيەنىشىنە اينالعان نەمەرەسىنە تاعلىمدى تانىم، ءتالىمدى تاربيە بەرگەنىن كورىپ، العىس ءبىلدىرىپ جاتقاندار وتە كوپ، دەپ حابارلايدى "ادىرنا" ۇلتتىق پورتالى.
الەۋمەتتىك جەلىدە ىلتيپاتقا بولەنىپ، قارقىندى قارالىم جيناپ جاتقان بەينە-دەرەكتە كىشكەنە بالدىرعان اجەسىنە قازاق ءتىلىنىڭ مارتەبەسى جايلى پىكىر بىلدىرەدى. ول مىسالدى قوعامنىڭ وزىنەن العان.
- اجە، قاراڭىز. ءبىرىنشى ورىسشا جازىپ قويىپتى. قازاقتى سىيلاۋ كەرەك قوي، - دەيدى نەمەرەسى اجەسىنە.
View this post on Instagram
كەيىن اجەسى نەمەرەسىنە ەمىرەنىپ، جىلى قاباق تانىتادى. بۇعان قاتىستى:
- بارەكەلدى! اعا، اپالارى ايتىپ، ايتىپ شاشتارى اعارىپ، تىستەرى ءتۇسىپ، اناۋ جاققادا كەتىپ قالعاندارى قانشاما، ەدى ەڭدى ءتىلىمىزدىڭ جايىن بالاقايلار ايتىپ جاتىر، بالاپانعا اللا عۇمىر بەرسىن;
- ەشكىم ايتپاي-اق ءوزى ءبىلىپ، ايتىپ تۇر، بوتاقان. مىنە، ناعىز ەركىن ەلدىڭ رۋحى بيىك ۇرپاعى وسىلار بولادى. وسىلاردىڭ جارقىن بولاشاعىن جاساۋدا ءبىز دە ايانباۋىمىز كەرەك;
- دۇرىس قىزىم! ەندى وقۋشىلار دا مەملەكەتتىك ءتىلدى ءبىرىنشى ورىنعا قويىپ وتىر. بولاشاقتا قازاق ءتىلى ءوز تۇعىرىنا وتىرادى دەگەن اقيقاتى بۇل. اتا-انا ، مۇعالىمىنە ۇلكەن راحمەت، - دەپ جازدى وقىرماندار.
"ادىرنا" ۇلتتىق پورتالى
