سارشۇناق اياز سەرگەلدەڭگە سالعان ەكىباستۇز تۇرعىندارى ەندى سۋ استىندا قالدى. قاتتى ايازدا جىلۋدى ءوشىرىپ تاستاۋدىڭ سالدارىنان بارلىق قۇبىرلار قاتىپ قالعان. جىلۋ قوسقاندا قۇبىرلار جارىلىپ، ءۇي ءىشىن سۋ العان. بۇل وسپادار جايت جايلى “ادىرنا” ۇلتتىق پورتالى حابارلادى.
الەۋمەتتىك جەلى قولدانۋشىسى مۇرات راقىمجان ەكىباستۇزداعى “قوسارلانعان” قايعىلى وقيعا جايلى بىلاي دەپ جازدى:
- ەكىباستۇزدا – قايعىلى وقيعانىڭ ەكىنشى كەزەڭى باستالدى.قاتتى ايازدا جىلۋدى ءوشىرىپ تاستاعانىنىڭ سالدارىنان بارلىق قۇبىرلار قاتىپ قالعان. جىلۋدى قايتادان قوسقان كەزدە باتارەيالارى جارىلىپ، تومەنگى قاباتتاعى كورشىلەردىڭ ءۇيىن باسۋدا. سۋىق سورعانى ازداي، ەندى سۋ سورعالاپ جاتىر.بىراق، توبەسىنەن سۋ، تابانىنان سىز وتپەگەندەر ونى قايدان ۇعا قويسىن؟! بۇعان كىم جاۋاپ بەرەدى، كىم قالپىنا كەلتىرەدى؟ - دەدى اۆتور.
سونىمەن قاتار، قازنەتتە ەكىباستۇز تۇرعىندارىنىڭ سۋىققا شىداماي ءۇيىن تاستاپ شىققان ۆيدەوسى مەن قۇبىرلاردىڭ قايتا جارىلىپ جاتقانىنا قاتىستى اقپارات تاراپ جاتىر.
قىتىمىر قىستا سەرگەلدەڭگە تۇسكەن حالىق:
“كۇلەتىن، تابالايتىن جاي ەمەس. ۇكىمەتتى وتستاۆكاعا كەتىرۋدى تالاپ ەتۋ كەرەك. پەنسيونەر اكىمدەرىن اكەتسىن! جۇمىس ءستيلىن وزگەرتۋ كەرەك!”، “ويبۋۋ.. ابدەن سورلاتقان ەكەن”، “وسى جەرگىلىكتى بيلىك جازدا نە تىندىرادى ەكەن؟”، “دەپۋتاتتار ۇيىقتايدى، پارلامەنتتەگىلەرگە، پرەزيدەنتتىڭ كومەكشىلەرىنە ءبىر ميلليون جالاقى از، تاعى ءبىر ميلليون قوسىڭىزدار، سوندا ولار قاتتى ۇيىقتايدى، ۇيلەر تۇگەل جارىلادى، جىلۋ دەگەنىڭ ەرۋندا!” دەپ اشىنا جازۋدا.
“ادىرنا” ۇلتتىق پورتالى
