Sarshunaq aıaz sergeldeńge salǵan Ekibastuz turǵyndary endi sý astynda qaldy. Qatty aıazda jylýdy óshirip tastaýdyń saldarynan barlyq qubyrlar qatyp qalǵan. Jylý qosqanda qubyrlar jarylyp, úı ishin sý alǵan. Bul ospadar jaıt jaıly “Adyrna” ulttyq portaly habarlady.
Áleýmettik jeli qoldanýshysy Murat Raqymjan Ekibastuzdaǵy “qosarlanǵan” qaıǵyly oqıǵa jaıly bylaı dep jazdy:
- Ekibastuzda – qaıǵyly oqıǵanyń ekinshi kezeńi bastaldy.Qatty aıazda jylýdy óshirip tastaǵanynyń saldarynan barlyq qubyrlar qatyp qalǵan. Jylýdy qaıtadan qosqan kezde batareıalary jarylyp, tómengi qabattaǵy kórshilerdiń úıin basýda. Sýyq sorǵany azdaı, endi sý sorǵalap jatyr.Biraq, tóbesinen sý, tabanynan syz ótpegender ony qaıdan uǵa qoısyn?! Buǵan kim jaýap beredi, kim qalpyna keltiredi? - dedi avtor.
Sonymen qatar, Qaznette Ekibastuz turǵyndarynyń sýyqqa shydamaı úıin tastap shyqqan vıdeosy men qubyrlardyń qaıta jarylyp jatqanyna qatysty aqparat tarap jatyr.
Qytymyr qysta sergeldeńge túsken halyq:
“Kúletin, tabalaıtyn jaı emes. Úkimetti otstavkaǵa ketirýdi talap etý kerek. Pensıoner ákimderin áketsin! Jumys stılin ózgertý kerek!”, “Oıbýýý.. Ábden sorlatqan eken”, “Osy jergilikti bılik jazda ne tyndyrady eken?”, “Depýtattar uıyqtaıdy, parlamenttegilerge, prezıdenttiń kómekshilerine bir mıllıon jalaqy az, taǵy bir mıllıon qosyńyzdar, sonda olar qatty uıyqtaıdy, úıler túgel jarylady, jylý degeniń erýnda!” dep ashyna jazýda.
“Adyrna” ulttyq portaly
