Sarşūnaq aiaz sergeldeŋge salǧan Ekıbastūz tūrǧyndary endı su astynda qaldy. Qatty aiazda jyludy öşırıp tastaudyŋ saldarynan barlyq qūbyrlar qatyp qalǧan. Jylu qosqanda qūbyrlar jarylyp, üi ışın su alǧan. Būl ospadar jait jaily “Adyrna” ūlttyq portaly habarlady.
Äleumettık jelı qoldanuşysy Mūrat Raqymjan Ekıbastūzdaǧy “qosarlanǧan” qaiǧyly oqiǧa jaily bylai dep jazdy:
- Ekıbastūzda – qaiǧyly oqiǧanyŋ ekınşı kezeŋı bastaldy.Qatty aiazda jyludy öşırıp tastaǧanynyŋ saldarynan barlyq qūbyrlar qatyp qalǧan. Jyludy qaitadan qosqan kezde batareialary jarylyp, tömengı qabattaǧy körşılerdıŋ üiın basuda. Suyq sorǧany azdai, endı su sorǧalap jatyr.Bıraq, töbesınen su, tabanynan syz ötpegender ony qaidan ūǧa qoisyn?! Būǧan kım jauap beredı, kım qalpyna keltıredı? - dedı avtor.
Sonymen qatar, Qaznette Ekıbastūz tūrǧyndarynyŋ suyqqa şydamai üiın tastap şyqqan videosy men qūbyrlardyŋ qaita jarylyp jatqanyna qatysty aqparat tarap jatyr.
Qytymyr qysta sergeldeŋge tüsken halyq:
“Kületın, tabalaityn jai emes. Ükımettı otstavkaǧa ketırudı talap etu kerek. Pensioner äkımderın äketsın! Jūmys stilın özgertu kerek!”, “Oibuuu.. Äbden sorlatqan eken”, “Osy jergılıktı bilık jazda ne tyndyrady eken?”, “Deputattar ūiyqtaidy, parlamenttegılerge, prezidenttıŋ kömekşılerıne bır million jalaqy az, taǧy bır million qosyŋyzdar, sonda olar qatty ūiyqtaidy, üiler tügel jarylady, jylu degenıŋ erunda!” dep aşyna jazuda.
“Adyrna” ūlttyq portaly
