«AMANAT» پارتياسىنىڭ مۇشەلەرى ەكىباستۇز قالاسىنىڭ جىلۋسىز قالعان تۇرعىندارىنا گۋمانيتارلىق كومەك جىبەردى. بۇگىن پارتيانىڭ استانا قالاسىنداعى فيليالىنان گۋمانيتارلىق كومەك تيەلگەن جۇك كولىگى جولعا شىقتى. اماناتتىقتار بارلىعى 1000-نان استام جاڭا ەلەكتر جىلىتقىشتار، كورپەلەر، تەرموستار جانە تاعى باسقا قاجەتتى زاتتار جولدادى.
«پارتيالىقتار ەكىباستۇزدا ورىن العان جاعدايعا الاڭداپ وتىر. اماناتتىقتار ارىستاعى، ماقتاارالداعى جانە اۋليەكولدەگى وقيعالار كەزىندە زارداپ شەككەن قازاقستاندىقتارعا كومەكتەسكەن بولاتىن. بۇل جولى دا شەت قالا المايمىز. بۇگىن ەلوردادان ەڭ قاجەتتى زاتتار – جىلىتقىشتار، كورپەلەر جونەلتىلەدى. بۇگىننەن قالماي بۇل كومەك ەكىباستۇز تۇرعىندارىنا جەتكىزىلەدى»، – دەپ اتاپ ءوتتى «AMANAT» پارتياسى استانا قالاسى فيليالىنىڭ اتقارۋشى حاتشىسى بەرىك جاكەنوۆ.
ەكىباستۇزدا ۆولونتەرلەر شتابى اشىلدى. «جاستار رۋحىنىڭ» بەلسەندىلەرى ءۇي-ءۇيدى ارالاپ جاتىر. ءموبيلدى بريگادالار جالعىز تۇرىپ جاتقان زەينەتكەرلەر، مۇگەدەكتەر، مۇقتاج وتباسىلار تۋرالى اقپارات جيناۋدا. سونداي-اق، پارتيانىڭ جاستار قاناتىنداعى ۆولونتەرلەر اپاتتان قۇتقارۋشى بريگادالارعا ىستىق تاماق ۇيىمداستىرۋ جۇمىسىمەن دە اينالىسىپ ءجۇر.
پارلامەنت ماجىلىسىندەگى «AMANAT» پارتياسىنىڭ دەپۋتاتتىق فراكتسياسىنىڭ مۇشەلەرى، ياعني ەرلان سايروۆ، ۆەرا كيم، ارتۋر پلاتونوۆ، جاناربەك ءاشىمجان، ايگۇل نۇركينا، دۇيسەنباي تۇرعانوۆ، اناتولي بويچين ءدال قازىر ەكىباستۇز قالاسىنىڭ تۇرعىندارىنا جەدەل كومەك كورسەتىپ جاتىر.
