توقاەۆ ۇكىمەتكە ەكىباستۇزداعى جاعدايدى قالىپقا كەلتىرۋدى تاپسىردى

2503
Adyrna.kz Telegram

قاسىم-جومارت توقاەۆ ۇكىمەتكە ەكىباستۇزداعى جاعدايدى قالىپقا كەلتىرۋدى تاپسىردى. بۇل تۋرالى مەملەكەت باسشىسىنىڭ ءباسپاسوز حاتشىسى رۋسلان جەلدىباي ءوزىنىڭ فەيسبۋك پاراقشاسىندا حابارلادى، دەپ جازادى "ادىرنا" ۇلتتىق پورتالى.

"پرەزيدەنت پرەمەر-مينيستر ءاليحان سمايلوۆقا ەلىمىزدىڭ قالالارىنداعى پروبلەما ءجيى تۋىندايتىن ەنەرگەتيكالىق اكتيۆتەردى مەملەكەت مەنشىگىنە قايتارۋ ماسەلەسىن قاراستىرۋدى تاپسىردى. سەبەبى اتالمىش اكتيۆتەردى ساپاسىز باسقارۋ سالدارىنان جىلۋ ەلەكتر ستانسالارى اپاتقا ءجيى ۇشىراپ، تۇتىنۋشىلاردى ەلەكتر قۋاتىمەن ۇزدىكسىز قامتاماسىز ەتە الماي وتىر. ەكىباستۇزدا ورتالىق جىلۋ بەرۋدىڭ توقتاپ قالۋىنان حاباردار بولعان پرەزيدەنت قالا تۇرعىندارىنىڭ جاعدايىنا الاڭداۋشىلىق ءبىلدىردى. تۇرعىندارعا ءتيىستى كومەك بەرىلەدى. مەملەكەت باسشىسىنىڭ پىكىرىنشە، ازاماتتاردىڭ تۇرمىس-تىرشىلىگىنە قيىندىق تۋدىرۋعا جانە ولاردىڭ قۇقىن اياقاستى ەتۋگە جول بەرۋگە بولمايدى. ۇكىمەتكە جانە وبلىس اكىمدىگىنە تاياۋ كۇندەرى ەكىباستۇزداعى جاعدايدى قالىپقا كەلتىرۋ، قالاداعى اۋىر احۋالعا جول بەرگەن ادامداردى جاۋاپقا تارتۋ جونىندە تاپسىرما بەردى",- دەپ جازدى رۋسلان جەلدىباي.

"ادىرنا" ۇلتتىق پورتالى 

پىكىرلەر