فوتو جي كومەگىمەن جاسالدى
قىرعىزستاننىڭ جوگوركۋ كەنەشى شەتەلدىك تۋريستەر ءۇشىن اپتاسىنا ءبىر رەت اشىق بولادى، دەپ حابارلايدى "ادىرنا" ۇلتتىق پورتالى.
شەتەلدىك قوناقتار پارلامەنت عيماراتىنا ەكسكۋرسيا جاساپ، ونىڭ جۇمىسىمەن تانىسا الادى. جوگوركۋ كەنەشتىڭ ءباسپاسوز قىزمەتىنىڭ مالىمەتىنشە، ەكسكۋرسيا بارىسىندا تۋريستەر پارلامەنتتىڭ مۋزەيى مەن ءماجىلىس زالدارىن ارالاي الادى. ەكسكۋرسيالار بەلگىلەنگەن تارتىپپەن اپتاسىنا ءبىر رەت ۇيىمداستىرىلادى.
پارلامەنتتىڭ ءباسپاسوز قىزمەتى مۇنداي ەكسكۋرسيالار شەتەلدىك قوناقتارعا قىرعىز رەسپۋبليكاسىنداعى نەگىزگى مەملەكەتتىك بيلىك ورگاندارىنىڭ ءبىرى – پارلامەنتتىڭ قىزمەتى تۋرالى كەڭىرەك اقپارات الۋعا مۇمكىندىك بەرەتىنىن اتاپ ءوتتى. سونىمەن قاتار كەلۋشىلەر ارنايى كادەسىي بۇرىشىنان ەستەلىك ونىمدەر ساتىپ الا الادى.
ال قىرعىزستان ازاماتتارى بەلگىلەنگەن تالاپتار مەن كەلۋ ءتارتىبىن ساقتاعان جاعدايدا جوگوركۋ كەنەشكە اپتانىڭ بەس جۇمىس كۇنىندە دە بارا الادى.
