استانادا قازاقستاننىڭ ەكس-پرەزيدەنتى نۇرسۇلتان نازارباەۆتىڭ كۇيەۋ بالاسى تيمۋر قۇلىباەۆتىڭ سەنىمدى سەرىكتەسى (orda.kz پورتالىنىڭ زەرتتەۋى بويىنشا) ءارى جاس كاسىپكەر مارات ابيەۆتىڭ ىقپالىمەن باستاۋ العان جيىننىڭ سوڭى ميتينگكە ۇلاستى. اقىرىندا، مارات ابيەۆتى پوليتسيا ۇستاپ اكەتتى. بۇل جايلى "ادىرنا" ۇلتتىق پورتالى حابارلادى.
تيمۋر قۇلىباەۆتىڭ سەنىمدى سەرىكتەسى مارات ابيەۆتىڭ "Genesis" اتاۋىمەن باستالعان ۇلكەن جيىنى شەرۋگە ۇلاستى. قۇقىق قورعاۋشىلار بۇدان بۇرىن دا ءار اۋداننان اۆتوبۋستارمەن اعىلعانداردى ورتا جولدا توقتاتىپ، شەرۋشىلەردى كەرى قايتارعان. ازىرگە استانادا بولىپ جاتقان وقيعاعا قاتىستى ناقتى مالىمەت جوق. ۆيدەودا شەرۋلەتكەندەردىڭ "كەرۋەن-ساراي" اۋدانىنا بەت العاندىعى بايقالادى. ەلوردادا كۇن ۇزاعىنا ينتەرنەت بايلانىسىنىڭ وشىرىلگەندىگى جايلى وقىرماندار جازىپ جاتىر.
قولدا بار دەرەكتەرگە سەنسەك، مارات ابيەۆتىڭ جوباسىن قولداۋ ءۇشىن پەتيتسياعا 350 000 ادام قول قويعان. الايدا قازىر ابيەۆتىڭ جوباسىنا قاتىستى سايت جۇمىس ىستەپ تۇرعان جوق. ءوزىن پوليتسيا ۇستاپ اكەتتى.
شامامەن ءبىر ساعات بۇرىن جاستاردىڭ ۇلكەن توبى دا وسىلاي قۇرىقتالدى. ۇستالعانداردىڭ بەتىندە قىزىل باندانالار، قولدارىندا داۋىس ۇلعايتقىش قۇرالدار بولعان. كوتەرىلىس سەبەپتەرى - بەلگىسىز. پوليتسەيلەر قالا كوشەلەرىن ءالى تورۋدا. ينتەرنەت بايلانىس قالپىنا كەلتىرىلدى.
باستى فوتونىڭ اۆتورى - تامارا ۆاال.
