كاسىپكەر قايرات بورانباەۆتىڭ قاماۋعا الۋ مەرزىمى ەكى ايعا ۇزارتىلدى. بۇل اقپاراتتى استانا سوتىنىڭ ءباسپاسوز قىزمەتى راستادى، دەپ حابارلايدى “ادىرنا” ءتىلشىسى.
"2022 جىلعى 12 قازاندا استانا قالاسىنىڭ مامانداندىرىلعان اۋدانارالىق تەرگەۋ سوتى كۇدىكتى قايرات بورانباەۆقا قاتىستى قاماۋدا ۇستاۋ تۇرىندەگى سانكتسيالانعان بۇلتارتپاۋ شاراسىنىڭ مەرزىمىن ەكى ايعا ۇزارتتى", - دەلىنگەن حابارلامادا.
ەستەرىڭىزگە سالايىق، قارجىلىق مونيتورينگ اگەنتتىگى قايرات بورانباەۆتىڭ ۇستىنەن كۆازيمەملەكەتتىك سەكتوردا اسا ءىرى كولەمدە قاراجات جىمقىرۋ فاكتىسىمەن ءىس قوزعاپ، يزولياتورعا قاماعان بولاتىن. قازىرگى ۋاقىتتا ءىرى مولشەردە، ونىڭ ىشىندە شەتەلدە قىلمىستىق كىرىستى زاڭداستىرۋ بەلگىلەرى بار نەعۇرلىم رەزونانستىق ىستەردى تەرگەپ-تەكسەرۋ ەرەكشە باقىلاۋدا.
