قوعامدىق رەزونانس تۋدىرعان 22 جاستاعى ستۋدەنت اقنار گۇلستاننىڭ ولىمىنە قاتىستى قىلمىستىق ءىس ۇقك تەرگەۋىندە، دەپ حابارلايدى "ادىرنا" ۇلتتىق پورتالى.
ۆەدومستۆونىڭ مالىمەتىنشە، اتالعان فاكت بويىنشا سوتقا دەيىنگى تەرگەپ-تەكسەرۋ جۇرگىزىلۋدە.
«قر قىلمىستىق-پروتسەستىك كودەكسىنىڭ 201-بابى 1-بولىگىنە سايكەس وزگە اقپارات جاريا ەتىلۋگە جاتپايدى»، – دەلىنگەن ۇقك رەداكتسيانىڭ رەسمي ساۋالىنا بەرگەن جاۋابىندا. تەرگەۋ قاي باپ بويىنشا جۇرگىزىلىپ جاتقانى ازىرگە ناقتىلانبادى.
بۇعان دەيىن 2024 جىل 20 شىلدەدە الماتىدا 22 جاستاعى ستۋدەنت اقنار گۇلستان قازا تاپقانى تۋرالى اقپارات تارادى. تەرگەۋ نۇسقاسىنا سايكەس، ول تۇرعىن ءۇي كەشەنىنىڭ جەتىنشى قاباتىنداعى پاتەر تەرەزەسىنەن قۇلاعان.
الايدا مارقۇمنىڭ اناسى گۇلستان حاميت قىزى قىزىنىڭ وزىنە قول جۇمساۋى مۇمكىن ەمەستىگىن ايتىپ، دابىل قاققان.
ال جەلىدە ادام ولىمىنە قاتىستى رەزونانس تۋدى.
