رەسەي قازاقستان رەسپۋبليكاسىنان استىق تاسىمالداۋ تاريفتەرىن تومەندەتۋدى سۇراپ، ورتاق كەلىسسوزگە كەلۋگە شاقىردى. بۇل جايلى ساۋدا جانە ينتەگراتسيا ءمينيسترى سەرىك جۇمانعارين مالىمدەدى، دەپ حابارلايدى "ادىرنا" ۇلتتىق پورتالى.
«23 قاراشا كۇنى ورىنبوردا فورۋم وتەدى. فورۋمدى ەكى ەلدىڭ باسشىلارى تىگىندەيدى. رەسەيدىڭ ءوزى كەلىسسوزگە كەلۋگە شاقىردى. مەنىڭ رەسەي تاراپىنداعى ۇزەڭگىلەسىم - وۆەرچۋك مىرزا. ءبىز جاقتان دا ءبىراز دەلەگاتسيا بولادى. وزىممەن بىرگە رەسەيدەن ترانزيت ارقىلى ءوتۋدى كوزدەيتىن كاسىپكەرلەردى ەرتەمىن. رەسەي جاعى دا ءوز بيزنەسمەندەرىن شاقىراتىنى ءسوزسىز. ءبىز كەلىسىم جايىن اقىلداسامىز", - دەدى مينيستر سەرىك جۇمانعارين.
سونىمەن قاتار، مينيستر رەسەي جاعىنىڭ ۇسىنىستارى ءتيىمسىز بولسا، استىق تاريفتەرىنىڭ ەش تۇسپەيتىنىن حابارلادى.
بۇعان دەيىن دە رەسەي قازاقستاننان استىق تاسىمالداۋ ءتاريفىن ءتۇسىرۋدى وتىنگەن ەدى. بىراق قازاقستان استىق ءتاريفىن 4 جىل بويى وزگەرتپەي كەلەدى.
"ادىرنا" ۇلتتىق پورتالى
