ەندى الماتىلىقتار مەترومەن قاتىناپ، قاربالاستا ۋاقىت ۇتاتىن بولادى. 13 اقپاننان باستاپ الماتىنىڭ مەتروپوليتەن جەلىسىندە قوسىمشا مەتروپويىزدار ىسكە قوسىلادى، دەپ حابارلايدى "ادىرنا" ۇلتتىق پورتالى.
جەر استى جولىندا 10 مەتروپويىز قاتىنايتىن بولادى، سوعان سايكەس قوزعالىس ارالىعى قاربالاس ساتتە 6 مينۋت 12 سەكۋندكە دەيىن قىسقارادى. جىلجىمالى قاتىناۋ قۇرالى قوزعالىسىنىڭ كەستەسىن جولاۋشىلار "الماتى قالاسى مەتروپوليتەنى" قوسىمشاسى ارقىلى ونلاين رەجيمدە بىلە الادى.
الماتى مەتروپوليتەنى الماتى قالاسىندا سالىنىپ جاتقان مەتروپوليتەن جۇيەسى. العاش 2011 جىلدىڭ 1 جەلتوقسانىندا قولدانىسقا بەرىلدى. 2022 جىلى جاڭا ەكى ستانتسيا قوسىلدى. سونىڭ ارقاسىندا جولاۋشىلار سانى، شامامەن، ەكى ەسەگە ارتىپ، 85 مىڭعا جەتتى. قازىر 938 ادام سياتىن 4 ۆاگوندى جىلجىمالى قۇرام قاتىناپ ءجۇر.
"ادىرنا" ۇلتتىق پورتالى
