Prezıdent Qasym-Jomart Toqaev Astana qalasy Tótenshe jaǵdaılar departamenti órt sóndirý jáne avarııalyq-qutqarý jumystary qyzmeti jedel kezekshisiniń kómekshisi Asqar Serikuly Zabıkýlınniń qyzmettik boryshyn atqarý kezinde aýyr jaraqat alyp, aýrýhanada dúnıeden ótýine baılanysty otbasy men jaqyn týystaryna kóńil aıtý jedelhatyn joldady, dep habarlaıdy “Adyrna” ulttyq portaly.
“Asqar Serikuly tótenshe jaǵdaılar salasynda eńbek etip, elimizge adal qyzmet etýdiń úlgisin kórsete bilgen azamat edi. Astanadaǵy kópqabatty úıde bolǵan órt kezinde oqıǵa ornyna shuǵyl jetip, birneshe adamnyń ómirin saqtap qaldy. Osy bir áreketi arqyly ol Otan aldyndaǵy azamattyq antyna berik ekenin jáne janqııarlyq erligin kórsetti. Onyń esimi men jarqyn beınesi halqymyzdyń júreginde saqtalady. Marqumnyń jany jánnatta, ımany salamat bolsyn”, – dep jazylǵan jedelhatta.
Sondaı-aq, Toqaevtyń tapsyrmasy boıynsha órt sóndirýshiniń esimin máńgi este saqtaý maqsatynda Astana qalasyndaǵy kóshelerdiń birine Asqar Zabıkýlınniń esimi berilip, bıýsti ornatylady.
