پرەزيدەنت قاسىم-جومارت توقاەۆ قازاقستاندىقتاردى تاۋەلسىزدىك كۇنىمەن قۇتتىقتادى، دەپ حابارلايدى «ادىرنا» ۇلتتىق پورتالى اقورداعا سىلتەمە جاساپ.
«ءبىز وسى مەرەيلى مەرەكەدە حالقىمىزدىڭ بوستاندىق تۋرالى ارمانىن اقيقاتقا اينالدىرۋعا ولشەۋسىز ۇلەس قوسقان ەرلەردىڭ رۋحىنا تاعزىم ەتەمىز.
تاۋەلسىزدىك بارىنەن قىمبات! ونى تابىستى ءارى باقۋاتتى مەملەكەتتىڭ تىرەگى سانالاتىن قاستەرلى قۇندىلىق رەتىندە كوزدىڭ قاراشىعىنداي ساقتاۋ – اتا-بابالارىمىزدىڭ جانە كەلەر ۇرپاقتىڭ الدىنداعى قاسيەتتى بورىشىمىز.
بارشاڭىزعا زور دەنساۋلىق، باق-بەرەكە جانە تولاعاي تابىس تىلەيمىن!
كوك تۋىمىز ماڭگى جەلبىرەي بەرسىن!
تاۋەلسىزدىگىمىز باياندى بولسىن!»، - دەدى مەملەكەت باسشىسى.
ەسكە سالا كەتەيىك، پرەزيدەنتتىڭ ۇسىنىسىمەن تاۋەلسىزدىك كۇنى - جەلتوقسان وقيعاسىن ەسكە الۋ كۇنى رەتىندە بەكىتىلگەن بولاتىن.
«ادىرنا» ۇلتتىق پورتالى
