Kenshiler shaharynda 2005 jyldan beri paıdalanýǵa berilgen turǵyn úılerdiń sany 16,5 esege arttyrdy.
Sońǵy úsh jylda baspanaǵa muqtaj 1648 ekibastuzdyq memlekettik turǵyn úı qorynan jaldamaly páterlerge ıe boldy. Onyń ishinde 332 jetim jáne 360 kópbalaly otbasy bar.
Osylaısha baspana kezeginde turǵan azamattardyń sany birshama azaıdy. Jalpy Ekibastuzda qurylys erekshe qarqyn alǵanyn atap ótken jón.
Igi úrdis 2005 jyly bastalǵan. Sol jyly qaladaǵy saqaldv qurylystar qalpyna keltirilip, 4200 sharshy metr turǵyn úı paıdalanýǵa berilgen. 2008-2009 jyldary qala turǵyndary 5500 sharshy metrden astam páterdi ıemdendń. Úsh jyldan keıin qarqyn odan ári ósti.
"Ekibastuzda turǵyn úı qurylysynyń qarqyny geometrııalyq progressııamen óse bastady: 2011 jyly – 14 700 sharshy metr, 2012 jyly – 15 200, 2013 jyly – 24 100, 2015-2017 jyldary – 28 400, al 2018 jyly – 44 100sharshy metr bolatyn baspana paıdalanýǵa berilgen. Al 2020 jyly Ekibastuzda 54 355 sharshy metr turǵyn úı, 2021 jyly 69 300 sharshy metr turǵyn úı boı kóterdi", — deıdi qalalyq qurylys bólimindegiler.
Buǵan deıin habarlanǵandaı, sońǵy úsh jylda Ekibastuzda 16 kóp qabatty turǵyn úı salyndy. Nátıjesinde shaharda jańa shaǵyn aýdan quryldy.
2022 jyly júzden astam otbasyn baspanamen qamtamasyz etý josparlanǵan bolatyn. Bıyl naýryz aıynda 72 otbasy jańa baspanaǵa ıe bolsa, maýsym aıynda taǵy jetpisten astam otbasy qonys toıyn toılady. Qýanysh munymen tolastamady. Respýblıka kúni qarsańynda turǵyn úı kezeginde turǵan taǵy júz otbasy úshin baspana máselesi oń sheshildi.
"Adyrna" ulttyq portaly
