بيىل قىركۇيەك ايىندا وتكەن الەمدىك دىندەر وكىلدەرىنىڭ سەزىنە قاتىسقان، بەيبىتشىلىك پەن كونفەسسياارالىق ديالوگتى ىلگەرىلەتۋ جونىندەگى حالىقارالىق مۇسىلمان ۇيىمى - مۇسىلمان اقساقالدار كەڭەسىنىڭ ء(باا) باس حاتشىسى مۇحامەد ماحمۇد ابدەلسالام الەمدەگى قازىرگى جاعدايداعى قازاقستاننىڭ ارەكەتتەرىنە قاتىستى پىكىرىن ءبىلدىردى.
بۇل تۋرالى ول «M.Narikbayev Public lecture» جوباسى اياسىنداعى دارىسىندە ايتتى. الەمدىك دىندەر سەزىن وتكىزگەنى ءۇشىن قازاقستان مەملەكەتىنە العىس ايتىپ، بەيبىتشىلىك قۇرۋ ديالوگىن ورناتۋداعى ۇستانىمىنا ريزاشىلىعىن ءبىلدىردى.
«رەسەي مەن ۋكراينا اراسىنداعى بولىپ جاتقان سوعىس بۇكىل الەمگە ساياسي جانە ەكونوميكالىق تۇرعىدان كەرى اسەرىن تيگىزۋدە. الەمدە ءتۇرلى سوعىستار ءوتىپ جاتقانىنا قاراماستان، قازاقستان پرەزيدەنتى قاسىم-جومارت توقاەۆ ءدال وسى ۋاقىتتا كونفەرەنتسيانى تاباندىلىق تانىتىپ وتكىزۋى بەيبىتشىلىكتى شىنايى تۇرعىدا قولدايتىنىن كورسەتەدى. قازاقستان مەملەكەتى 20 جىلدان بەرى استانا قالاسىندا بەيبىتشىلىككە باعىتتالعان شارالاردى ۇيىمداستىرىپ كەلەدى. الەمگە بەيبىتشىلىك ۇستانىمىن تاراتۋدا. ونى قاراپايىم نارسە دەپ قابىلداماۋ كەرەك، بۇل وتە ماڭىزدى، اسىرەسە بەيبىتشىلىك ورناتۋدا. ورتالىق ازيا ايماعىندا قازاقستان رەسپۋبليكاسىن بەيبىتشىلىكتى قولداۋشى ەل ەكەنىنە كوزىمىز جەتتى»، - دەدى مۇسىلمان اقساقالدار كەڭەسىنىڭ باس حاتشىسى مۇحامەد ماحمۇد ابدەلسالام.
مۇحامەد ماحمۇد ابدەلسالام بەيبىتشىلىك يدەيالارىن ىلگەرىلەتۋ، بىرلىكتە ءومىر ءسۇرۋ مادەنيەتىن تاراتۋ، تولەرانتتىلىق پەن تاتۋ كورشىلىك ادىستەرىمەن ءبولىستى. سونىمەن قاتار، *مۇسىلمان اقساقالدار كەڭەسى مەن م.نارىكباەۆ اتىنداعى كازگيۋ ۋنيۆەرسيتەتى اراسىنداعى ىنتىماقتاستىق تۋرالى مەموراندۋمعا قول قويىلدى. مەموراندۋم ءبىلىم بەرۋ جانە عىلىمي قىزمەت سالاسىنداعى ىنتىماقتاستىقتى ارتتىرۋعا باعىتتالعان.
مۇسىلمان اقساقالدار كەڭەسى – بەيبىتشىلىكتى ىلگەرىلەتۋگە جانە ديالوگ پەن تولەرانتتىلىق قۇندىلىقتارىن بەكىتۋگە باعىتتالعان تاۋەلسىز حالىقارالىق ۇيىم. بۇل ۇيىمدى ءال-ازھار شەيحى، باس يمام احمەد ءات-تايب باسقارادى جانە ونىڭ قۇرامىنا ايگىلى يسلام عالىمدارى كىرەدى.
