الماتىداعى ورتەنگەن ءادي ءشارىپوۆ كوشەسىندەگى «Almaty Hostel» Halyk Bank مەنشىگىندەگى عيماراتتا ورنالاسقان. بۇل تۋرالى الماتى اكىمدىگى مالىمدەدى، دەپ حابارلايدى ”ادىرنا” ۇلتتىق پورتالى.
«حوستەل ءبىر جارىم اي بۇرىن اشىلعان، عيمارات Halyk Bank-كە تيەسىلى. بانك ونى كەپىلمۇلىك رەتىندە جالعا بەرگەن. قىزىل جالىن 30 شارشى مەتردى شارپىعان. بۇل حوستەل الماتى قالاسىنىڭ جوعارى وقۋ ورىندارىمەن ستۋدەنتتەردى ورنالاستىرۋ ءۇشىن ىنتىماقتاستىق تۋرالى مەموراندۋمعا قول قويعان جوق»، - دەپ حابارلادى اكىمدىكتەن.
بۇل جونىندە Halyk Bank ازىرگە، رەسمي مالىمدەمە بەرگەن جوق.
وقيعا ورنىنا الماتى اكىمى ەربولات دوساەۆ كەلدى. سونداي-اق استانادان توتەنشە جاعدايلار ءمينيسترى سىرىم ءشارىپحانوۆ ۇشىپ شىققانى بەلگىلى بولدى.
ەسكە سالايىق، بۇگىن تاڭەرتەڭ الماتىدا ورنالاسقان حوستەلدەردىڭ بىرىنەن ءورت شىعىپ، 13 ادامدى اجال قۇشتى. بەلگىلى بولعانداي حوستەلدىڭ ىسكە قوسىلعانىنا نە ءبارى 1,5 اي بولعان. وندا شەتەل ازاماتتارى تۇرعان. سونىمەن قاتار ءورتتىڭ شىعۋ سەبەپتەرىن تەكسەرۋ جونىندەگى ۇكىمەتتىك كوميسسيا قۇرىلدى. ورتتەن زارداپ شەككەندەردىڭ جاعدايى تۋرالى مالىمەت بەلگىلى بولعان ەدى.
