مەملەكەت باسشىسى قاسىم-جومارت توقاەۆ اقش-تىڭ 47-ءشى سايلانعان پرەزيدەنتى دونالد ترامپپەن سويلەستى. بۇل تۋرالى اقوردا مالىمدەدى، دەپ حابارلايدى “ادىرنا” ۇلتتىق پورتالى.
«قاسىم-جومارت توقاەۆ اقش-تىڭ سايلانعان پرەزيدەنتى دونالد ترامپپەن تەلەفون ارقىلى سويلەستى. قاسىم-جومارت توقاەۆ دونالد ترامپتى امەريكا قۇراما شتاتتارىنىڭ پرەزيدەنتى لاۋازىمىنا سايلانۋىمەن قۇتتىقتادى»، — دەلىنگەن بەيسەنبى كۇنى تاراتقان حابارلامادا.
اتاپ وتكەندەي، ساياساتكەرلەر ساۋدا، ينۆەستيتسيا جانە يادرولىق قارۋدى تاراتپاۋ سالاسىنداعى ستراتەگيالىق ارىپتەستىكتى قارقىندى دامىتۋعا ءوزارا بەيىلدىلىگىن راستادى.
«مەملەكەت باسشىسى حالىقارالىق كۇن تارتىبىندەگى ەڭ وزەكتى ماسەلەلەر بويىنشا قازاقستاننىڭ ۇستانىمىن باياندادى. پرەزيدەنتتەر ەكىجاقتى ىنتىماقتاستىقتىڭ جوعارى قارقىنىن ساقتاۋ ماقساتىندا تۇراقتى بايلانىستار تۋرالى كەلىستى»، - دەپ تولىقتىردى اقوردا.
