El prezıdenti Qasym-Jomart Kemeluly Almaty qalasyna jumys saparymen keldi, dep habarlaıdy «Adyrna» tilshisi.
Mýltıbrendti avtomobıl zaýytynyń irgetasyn qalaý rásimine qatysqan ol sapardyń kelesi kúni ońtústik astananyń jurtshylyǵymen kezdesý ótkizdi.
Jıyn barysynda Memleket basshysy shahardyń respýblıkadaǵy saıası mańyzdy qala ekenin tilge tıek etti.
«Almaty – qasterli táýelsizdigimizdiń boıtumary bolǵan qala. Almatyda elimiz úshin eń mańyzdy sheshimder men qujattar qabyldandy. Osy jerde Egemendik deklaraııasyna qol qoıyldy, Táýelsizdigimiz jarııalandy. Elimizdiń bolashaǵyn aıqyndaǵan basqa da kóptegen taǵdyrly oqıǵalar ótti. Almaty – elimizdiń iskerlik, rýhanı, ǵylymı jáne týrıstik ortalyǵy. Sondyqtan, men qalanyń damýyna, onyń tirshilikke qolaıly, jaıly bolýyna aıryqsha mán beremin»,-dep aıtty óz sózinde.
Sonymen qatar Toqaev, qalanyń ekonomıkalyq áleýetinede toqtalyp, bıýdjettik kiristiń 25 paıyzdan astamy osy mekenge tıesili ekenin tilge tıek etti.
«Almaty – elimizdiń ekonomıkalyq damýynyń qozǵaýshy kúshi jáne kóshbasshysy. Bul qala jalpy ishki ónimniń besten birin, ıaǵnı bıýdjettik kiristiń 25 paıyzdan astamyn jáne saýda-sattyqtyń úshten birin qamtamasyz etedi»,-dep atap ótti.
El tarıhynda «Qańtar oqıǵasy» degen ataýmen qalǵan keshegi kóterińlisi, mańǵaz qalanyń mamyrajaı tirshiligine ózindik zardabyn tıgizgeni aıqyn. Prezıdent Qasym-Jomart Toqaev atalǵan oqǵadan keıingi qalanyń tynys- tirshiliginiń bir qalypqa kelgenin aıtyp, «búgingi tańda Almaty «Qasiretti qańtardan» keıin tolyǵymen qalpyna keltirildi, qala ekonomıkasy turaqty túrde damýda», - dep sózin túıindedi.
