Qyrymdaǵy Ialta jaǵalaýyna kelgen qonaqtardyń kóńilin sergitpek bolyp uıymdastyrýshy ýkraınsha án qoıǵan. Án qoıǵany sol, bı keshin uıymdastyrýshynyń basy bálege qaldy. Ony basqynshylar ýkraın tilindegi án qoıǵany úshin botadaı bozdatyp, kópshilikten keshirim suratqan. Bul jaıly Reseıdiń táýelsiz "sotavisiontv" portalyna silteme kórsete otyryp "Adyrna" ulttyq portaly habarlaıdy.
Kamera aldynda botadaı bozdaǵan áıeldiń:
"Men Reseıdiń múddelesimin. Barlyǵyńyzdy jaqsy kóremin. Qudaı úshin, meni keshirińizdershi", - degen daýysyn estýge bolady. Onyń bar kinási - kelgen qonaqtardyń kóńilin sergitý úshin ýkraın ánin qoıǵandyǵy bolyp otyr.
Uıymdastyrýshy óziniń qandaı da bir alabóten oıynyń bolmaǵanyn, bar bolǵany qonaqtarǵa keremet kóńil-kúı syılaǵysy kelgenin aıtyp, aǵynan jaryldy.
"Adyrna" ulttyq portaly
