Almatylyq zaŋger Anna Chernova QR Densaulyq saqtau ministrı Ajar Ǧiniiatqa uäj aityp, qyzmetıne syn taqty, dep habarlaidy "Adyrna" ūlttyq portaly "Ulysmedia.kz" portalyna sılteme körsetıp.
“Bızdıŋ ūlttyq qauıpsızdıgımızge därıgerlerdıŋ kesırınen qater tönıp tūr. Otstavkaǧa ketıŋız! Sız öz reformalaryŋyzben bızdıŋ halyqty soǧyssyz jäne älemdık pandemiiasyz-aq qyrasyz. Prezident Qasym-Jomart Toqaev, Densaulyq saqtau ministrın ornynan alyŋyz! Kün saiyn balalarymyz – bolaşaǧymyz ölıp jatyr! Därıgerlerdıŋ qolynan ölıp jatqan qazaqstandyqtarǧa kım kömektesedı?! Qazaqstandyqtardyŋ qyryluyn toqtatyŋyz!”, - dep jazdy zaŋger äleumettık jelılerde.Zaŋgerdıŋ mūndai toqtamǧa keluıne Jambyl oblysynda qan alǧannan keiın şetınegen üş ailyq qyzdyŋ ölımı sebep bolǧan.
“Men būl ıstı obektivtı türde tergeudı talap etemın. Sotqa deiıngı tergeu ädettegıdei sozbaqqa salynyp, kınälıler taǧy da jazadan sytylyp ketpeuı kerek. Sız tıptı qylmystyq jauapkerşılıkke tartu statistikasyn kördıŋız be?! 5 jyl ışınde 83 adamnyŋ 27-sı jauapqa tartu merzımınıŋ ötıp ketuıne bailanysty jazasyz qalǧan. Menıŋ oiymşa, būl kädımgı genosid. Adamdar ölıp jatyr jäne ol üşın eşkım jauap bermeidı. Bız öz elımızde qalai qoryqpai emdele alamyz?! Medisinamyzdy retke keltırudı taǧy qanşa adam ötınuı kerek? Nelıkten sızder halyqtyŋ ünın estıgılerıŋız kelmeidı?”,- dedı zaŋger.Instagram paraqşasynda zaŋgerdıŋ pıkırın köptegen qazaqstandyqtardy qoldaǧan. Aita keteiık, Ajar Ǧiniiat Qazaqstannyŋ densaulyq saqtau ministrı qyzmetıne 2022 jylǧy 11 qaŋtarda taǧaiyndaldy.
"Adyrna" ūlttyq portaly
Ūqsas jaŋalyqtar
auruhana
ministrlık
zaŋger
Ajar Ǧiniiat
qr densaulyq saqtau ministrlıgı
säbi ölımı
qazaqstan medisinasy
