Jańa kásiporyndar óńir ekonomıkasyna jańa serpin berýi tıis. Prezıdent Qasym-Jomart Toqaev óz joldaýynda osy máselege basymdyq bergeni belgili, dep jazdy «Adyrna» tilshisi.
Búginde, Almaty Indýstrıaldy aımaǵynda jeke ınvestıııasy 119,8 mlrd teńge bolatyn 20 joba iske asyryldy.
Almatyda Indýstrıaldy aımaǵynyń nysandary boıynsha baspasóz týry ótti. Buqaralyq aqparat quraldarynyń ókilderi Teplostil JShS qasbettik jylý paneliniń óndirisi boıynsha zaýytyn, «Hyundai Trans Kazakhstan» avtokólik quraldarynyń óndirisi boıynsha zaýytyn, «Bıjan» et óńdeý zaýytyn, «Álmerek» medıınalyq buıymdarynyń óndirisi boıynsha zaýytyn, «Ala Estate» ónerkásiptik parkin baryp kórdi.
Baspasóz týry Teplostil JShS óndirisin baryp kórýden bastaldy, ol jyl saıyn 240 000 sharshy metr jylýy bar qasbettik jylý panelin, kúsheıtilgen polıstırol kóbikten jasalatyn sándik buıym shyǵarady. Jobanyń quny 800 mln teńgeni quraıdy, kásiporynda 30 adam jumys isteıdi.
Ekinshi nysanda Buqaralyq aqparat quraldarynyń ókilderi Hyundai Trans Kazakhstan avtokólik quralynyń óndirisimen tanysty. Kásiporyn 2022 jyly Hyundai Bayon yqsham qalalyq krossoveriniń pılottyq partııasyn shyǵarýǵa kiristi. Qazirgi ýaqytta, zaýyt shaǵyn túıin ádisimen shanaǵyn dánekerlep jáne boıap, Hyundai avtokólik quralynyń – Sonata, Elantra, Santa Fe, Palisade, Tucson, Staria, i30, Bayon, sondaı-aq Tucson, Accent sekildi 10 úlgisin shyǵarýda. Kásiporynnyń qýattylyǵy jylyna 45 myń birlik. Zaýytta 800-den astam maman jumys isteıdi.
Sondaı-aq, tilshiler «Bıjan» EÓZ» JShS qyzmetimen tanysty. Jyl saıyn et óńdeý zaýyty Indýstrıaldy aımaqta 5 myń tonnadan astam ónim óndiredi, shujyq ónimderi men jartylaı daıyn ónimderi ataýynyń 100-den astam túri bar. Kásiporynda 250 jumys orny qurylǵan.
«Álmerek» JShS bir ret qana qoldanylatyn medıınalyq maqsattaǵy buıymdarynyń óndirisi boıynsha zaýyty – eksportqa baǵyttalǵan kásiporyn. Otandyq óndirýshi ónimdi satýdy Qazaqstannyń barlyq óńirlerinde ǵana emes, sonymen qatar, EýroAzııalyq ekonomıkalyq odaq elderiniń naryǵyna shyǵýdy josparlap otyr. Búginde, kásiporyn jylyna 28 mln birlik ónim shyǵarady, 50 jumys orny quryldy.
Baryp kórýdiń taǵy bir nysany «Ala Estate» ónerkásiptik parki boldy, onda búgingi kúni otandyq daıyndaýshylardyń bólmearalyq esikteriniń óndiristeri («LePorte M» JShS jáne «Absolıýt Flor» JShS) jáne «Qulpinay» JShS kondıterlik kompanııasy ornalastyrylǵan. Aýdany 4,3 myń sharshy metrdi quraıtyn ónerkásiptik park shaǵyn jáne orta bıznes sýbektilerine 1 sharshy metri úshin 1200 teńge mólsherinde jeńildetilgen, bekitilgen jalǵa alý mólsherlemesi boıynsha daıyn ınfraqurylymymen daıyn óndiristik úı-jaılar beredi. Joba 140 jańa jumys ornyn qurýǵa múmkindik berdi.
Búginde, Almaty Indýstrıaldy aımaǵynda jeke ınvestıııasy 119,8 mlrd teńgeni quraıtyn 20 joba iske asyryldy, 647,5 mlrd teńgege ónim óndirildi, 20,7 mlrd teńge salyq aýdarymdary tólendi, 2 913 jumys orny quryldy.
2022 jyly 65 jumys orny quryla otyryp, somasy 4,6 mlrd teńgeni quraıtyn «Kaz-Dıa-Test» JShS zaýyty iske qosyldy. Jyldyń sońyna deıin 211 jumys ornyn qura otyryp, jalpy somasy 6,8 mlrd teńgeni quraıtyn 5 kásiporyndy («VALTHERM», «City Stone», «TEPLOSTIL», «Stroy Production», «ElektroBar») iske qosý josparlanyp otyr. Budan basqa, 2022 jyly jeke ınvestıııanyń jalpy somasy 1,5 mlrd teńgeni quraıtyn, jalpy alańy 15 300 sharshy metr bolatyn 4 shaǵyn ónerkásiptik parkti iske qosý josparlanyp otyr.
