فەيسبۋك قولدانۋشىسى كۇلاينا ورازبەكقىزى ەسىمدى ازامات قالىڭ كوپشىلىككە تاڭسىق كورىنەتىن، الايدا اتا-بابادان جەتكەن ايرىقشا ەم-دومدى ەسكە سالدى، دەپ حابارلايدى "ادىرنا" ۇلتتىق پورتالى.
اۆتور تۇيەنىڭ شۋداسىن قايناتىپ، ونىڭ ءدارى-دەرمەككە بەرگىسىز اسەرىن جازادى. شۋدانىڭ بۋىن اۋرۋلارىنا وراسان زور پايداسى جايىندا دەرەك كەلتىرەدى.
- تۇزدى سۋدا تۇيەنىڭ شۋداسى قايناپ جاتىر. ءسال سۋىعان سوڭ ەكى توبىققا وراپ بايلانادى. تاڭ اتقانعا دەيىن. اياقتاعى جەل، سارى سۋ، اناۋ-مىناۋدىڭ ءبارىن سورىپ الادى ەكەن عوي. وسى ەمنىڭ ارقاسىندا اياققا تۇردىم. قازاقى ەمگە ەشنارسە جەتپەيدى ەكەن. ەشقانداي مەديتسينالىق ەم-دوم، ءدارى-دارمەك كومەكتەسپەدى. ايتپاقشى، كۇندىز تراكسەۆازين جاعىپ قويۋعا بولادى، - دەپ كەڭەس بەردى اۆتور.
ورايى كەلگەندە ايتا كەتەيىك، قازاق تۇيە ءجۇنىنىڭ ءتۇبىتىن، شۋداسىن قول-اياقتىڭ بۋىنى قايىرىلىپ ىسىنگەندە، تۇزعا نەمەسە سىركە سۋىنا شىلاپ، تاڭىپ قويادى. شۋدا شالا تۋىلعان بالانىڭ جۇيكە تالشىقتارىنىڭ ويانۋىنا، تىرەك-قيمىل اپپاراتىندا اۋىتقۋ بولعان ناۋقاستىڭ دۇرىس قالىپتاسۋىنا وڭ ىقپالىن تيگىزەدى. سونداي-اق بۋىن، بۇيرەك اۋرۋلارىنا جانە رادياتسيا ساۋلەلەرىنە قارسى ەم رەتىندە پايدالانادى.
"ادىرنا" ۇلتتىق پورتالى
