20 قىركۇيەكتە الماتى وبلىسىنداعى ىلە اۋدانىنىڭ كۇرتى اۋىلدىق وكرۋگىندە تاريحي وقيعا بولدى. 1000 تۇيەدەن قۇرالعان الەمدەگى ەڭ ۇلكەن كەرۋەن 1 شاقىرىم جولدى ءجۇرىپ ءوتتى، دەپ حابارلايدى “ادىرنا”.
بۇل كەرۋەن بۇعان دەيىن قىتايدا تىركەلگەن 365 تۇيەلىك كورسەتكىشتەن ءۇش ەسەگە اسىپ ءتۇستى.
ماقسات – ۇلتتىق رۋحتى جاڭعىرتۋ، كوشپەلى مادەنيەتتى دارىپتەۋ جانە ءتۋريزمدى دامىتۋ.
«مىڭ تۇيەدەن قۇرالعان بۇل كەرۋەن – حالقىمىزدىڭ ۇلى مۇراسىن الەمگە پاش ەتكەن تاريحي وقيعا»، - دەپ اتاپ ءوتتى الماتى وبلىسى اكىمىنىڭ ورىنباسارى باقىتنۇر باقىتۇلى.
گيننەس رەكوردتار كىتابىنىڭ وكىلى ريچارد ستەننينگ مۇنداي اۋقىمدى تۇيە كەرۋەنىن العاش رەت كورىپ وتىرعانىن ايتتى.
«بۇل – الەمدىك قازىنا»، – دەپ باعالادى ول.
بۇل جەتىستىك قازاقستاننىڭ مادەنيەتى مەن ءتۋريزمىن جاڭا دەڭگەيگە كوتەرەتىن ۇلكەن قادام بولدى.
