اباي وبلىسىندا قۇرامىندا التىن بار كەندى زاڭسىز ءوندىرۋ توقتاتىلدى. قىلمىستىق توپتىڭ مۇشەلەرى ۇستالدى، ولاردىڭ اراسىندا شەتەلدىكتەر دە بار. بۇل تۋرالى Polisia.kz حابارلادى، دەپ جازادى "ادىرنا" ۇلتتىق پورتالى.
ء"ىىم ۇيىمداسقان قىلمىسقا قارسى كۇرەس دەپارتامەنتىنىڭ بولىمشەلەرى اباي وبلىسى جارما اۋدانىنداعى “ەدىلباي” ۋچاسكەسىندە قۇرامىندا التىن بار ماتەريالدى زاڭسىز وندىرۋمەن، وڭدەۋمەن، جەر قويناۋىن ءوز بەتىنشە پايدالانۋمەن جانە زاڭسىز كوشى-قوندى ۇيىمداستىرۋمەن اينالىسقان قىلمىستىق توپتى ۇستادى", - دەلىنگەن حابارلامادا.
بۇل فاكت قر قك-ءنىڭ 287-بابى 3-بولىگى بويىنشا سدتبت-دا تىركەلگەن.
"وتكىزىلگەن ءىس-شارالار بارىسىندا جاڭعىزتوبە كەنتىنەن 30 شاقىرىم جەردە قۇرامىندا التىن بار كەندى قايتا وڭدەۋ بويىنشا 2 زاڭسىز تسەح تاراتىلدى. 13 “التىن ىزدەۋشى” ۇستالدى، ونىڭ ىشىندە 7-ءۋى شەتەلدىك. ىزدەۋ ءىس-شارالارىن جۇرگىزۋ كەزىندە قۇرامىندا 100 توننا التىن بار كەن، سونداي-اق 2 كيلوگرامنان استام جارىلعىش (اممونيت) جانە ۋلى (سىناپ) زاتتار، سونداي-اق وندىرۋگە قاجەتتى جابدىقتار تابىلىپ، تاركىلەندى",- دەلىنگەن حابارلامادا.
قۇرامىندا التىن بار ماتەريالدى ءوندىرۋ جانە قايتا وڭدەۋ بويىنشا “ىزدەۋشىلەر بريگاداسىن” جيناعان، زاڭسىز تسەحتاردىڭ يەسى بولىپ تابىلاتىن جەرگىلىكتى تۇرعىن، قىلمىستىق توپتىڭ ۇيىمداستىرۋشىسى انىقتالدى.
"ادىرنا" ۇلتتىق پورتالى
