Abaı oblysynda quramynda altyn bar kendi zańsyz óndirý toqtatyldy. Qylmystyq toptyń músheleri ustaldy, olardyń arasynda sheteldikter de bar. Bul týraly Polisia.kz habarlady, dep jazady "Adyrna" ulttyq portaly.
"IIM Uıymdasqan qylmysqa qarsy kúres departamentiniń bólimsheleri Abaı oblysy Jarma aýdanyndaǵy “Edilbaı” ýchaskesinde quramynda altyn bar materıaldy zańsyz óndirýmen, óńdeýmen, jer qoınaýyn óz betinshe paıdalanýmen jáne zańsyz kóshi-qondy uıymdastyrýmen aınalysqan qylmystyq topty ustady", - delingen habarlamada.
Bul fakt QR QK-niń 287-baby 3-bóligi boıynsha SDTBT-da tirkelgen.
"Ótkizilgen is-sharalar barysynda Jańǵyztóbe kentinen 30 shaqyrym jerde quramynda altyn bar kendi qaıta óńdeý boıynsha 2 zańsyz eh taratyldy. 13 “altyn izdeýshi” ustaldy, onyń ishinde 7-ýi sheteldik. Izdeý is-sharalaryn júrgizý kezinde quramynda 100 tonna altyn bar ken, sondaı-aq 2 kılogramnan astam jarylǵysh (ammonıt) jáne ýly (synap) zattar, sondaı-aq óndirýge qajetti jabdyqtar tabylyp, tárkilendi",- delingen habarlamada.
Quramynda altyn bar materıaldy óndirý jáne qaıta óńdeý boıynsha “izdeýshiler brıgadasyn” jınaǵan, zańsyz ehtardyń ıesi bolyp tabylatyn jergilikti turǵyn, qylmystyq toptyń uıymdastyrýshysy anyqtaldy.
"Adyrna" ulttyq portaly
