Abai oblysynda qūramynda altyn bar kendı zaŋsyz öndıru toqtatyldy. Qylmystyq toptyŋ müşelerı ūstaldy, olardyŋ arasynda şeteldıkter de bar. Būl turaly Polisia.kz habarlady, dep jazady "Adyrna" ūlttyq portaly.
"IIM Ūiymdasqan qylmysqa qarsy küres departamentınıŋ bölımşelerı Abai oblysy Jarma audanyndaǧy “Edılbai” uchaskesınde qūramynda altyn bar materialdy zaŋsyz öndırumen, öŋdeumen, jer qoinauyn öz betınşe paidalanumen jäne zaŋsyz köşı-qondy ūiymdastyrumen ainalysqan qylmystyq topty ūstady", - delıngen habarlamada.Būl fakt QR QK-nıŋ 287-baby 3-bölıgı boiynşa SDTBT-da tırkelgen.
"Ötkızılgen ıs-şaralar barysynda Jaŋǧyztöbe kentınen 30 şaqyrym jerde qūramynda altyn bar kendı qaita öŋdeu boiynşa 2 zaŋsyz seh taratyldy. 13 “altyn ızdeuşı” ūstaldy, onyŋ ışınde 7-uı şeteldık. Izdeu ıs-şaralaryn jürgızu kezınde qūramynda 100 tonna altyn bar ken, sondai-aq 2 kilogramnan astam jarylǧyş (ammonit) jäne uly (synap) zattar, sondai-aq öndıruge qajettı jabdyqtar tabylyp, tärkılendı",- delıngen habarlamada.Qūramynda altyn bar materialdy öndıru jäne qaita öŋdeu boiynşa “ızdeuşıler brigadasyn” jinaǧan, zaŋsyz sehtardyŋ iesı bolyp tabylatyn jergılıktı tūrǧyn, qylmystyq toptyŋ ūiymdastyruşysy anyqtaldy.
"Adyrna" ūlttyq portaly
Ūqsas jaŋalyqtar
