قر پرەزيدەنتى قاسىم-جومارت توقاەۆ ەل اۋماعىنان التىن مەن شەتەل ۆاليۋتاسىن اكەتۋگە قاتىستى جارلىققا تولىقتىرۋ ەنگىزدى. بۇگىن ءباسپاسوز بەتتەرىندە پرەزيدەنتتىڭ ارنايى جارلىعى جاريالاندى، دەپ حابارلايدى “ادىرنا” ۇلتتىق پورتالى.
«قازاقستان رەسپۋبليكاسىنىڭ قارجىلىق تۇراقتىلىعىن قامتاماسىز ەتۋ شارالارى تۋرالى» قازاقستان رەسپۋبليكاسى پرەزيدەنتىنىڭ 2022 جىلعى 14 ناۋرىزداعى № 830 جارلىعىنا تولىقتىرۋ ەنگىزۋ تۋرالى
قاۋلى ەتەمىن:
1. «قازاقستان رەسپۋبليكاسىنىڭ قارجىلىق تۇراقتىلىعىن قامتاماسىز ەتۋ شارالارى تۋرالى» قازاقستان رەسپۋبليكاسى پرەزيدەنتىنىڭ 2022 جىلعى 14 ناۋرىزداعى № 830 جارلىعىنا مىناداي تولىقتىرۋ ەنگىزىلسىن: مىناداي مازمۇنداعى 1-1-تارماقپەن تولىقتىرىلسىن:
«1-1. وسى جارلىقتىڭ 1-تارماعىنىڭ تالاپتارى:
1) قازاقستان رەسپۋبليكاسى ۇلتتىق بانكىنىڭ وپەراتسيالارىنا، سونداي-اق قازاقستان رەسپۋبليكاسى ۇلتتىق بانكىنىڭ قۇرىلىمىنا كىرەتىن ۇيىمداردىڭ وپەراتسيالارىنا;
2) قازاقستان رەسپۋبليكاسىنىڭ اۋماعىنا ەۋرازيالىق ەكونوميكالىق وداققا مۇشە بولىپ تابىلمايتىن مەملەكەتتىڭ اۋماعىنان əكەلىنگەن جəنە قايتا وڭدەۋ شارتتارى تۋرالى قۇجات جəنە مەملەكەتتىك باقىلاۋ اكتىسى نەگىزىندە «كەرى ەكسپورت» كەدەندىك رəسىمىمەن مəلىمدەلەتىن شەتەلدىك شيكىزاتتى قايتا وڭدەۋدەن كەيىن الىنعان اففينيرلەنگەن التىندى əكەتۋگە;
3) ەۋرازيا ەكونوميكالىق وداعىنا مۇشە مەملەكەتتىڭ الىس-بەرىس شيكىزاتىن قايتا وڭدەگەننەن كەيىن الىنعان اففينيرلەنگەن التىندى سول ەۋرازيا ەكونوميكالىق وداعىنا مۇشە مەملەكەتتىڭ اۋماعىنا اففينيرلەنگەن التىندى كەيىننەن əكەتە وتىرىپ (قايتا وڭدەۋ شارتتارى تۋرالى قورىتىندى نەگىزىندە) əكەتۋگە;
4) ەكىنشى دەڭگەيدەگى بانكتەردىڭ شەتەلدىك بانكپەن جاساسقان ءتيىستى شارتى نەگىزىندە جۇزەگە اسىرىلاتىن تولەمدىك ەمەس جəنە (نەمەسە) اينالىسقا جارامسىز قولما-قول شەتەل ۆاليۋتاسىن əكەتۋىنە;
5) قازاقستان رەسپۋبليكاسى ۇكىمەتىنىڭ جەكەلەگەن اكتىلەرىندە ايقىندالاتىن وزگە دە جاعدايلارعا قولدانىلمايدى دەپ بەلگىلەنسىن».
2. وسى جارلىق العاشقى رەسمي جاريالانعان كۇنىنەن باستاپ قولدانىسقا ەنگىزىلەدى. قازاقستان رەسپۋبليكاسىنىڭ پرەزيدەنتى ق.توقاەۆ نۇر-سۇلتان، اقوردا، 2022 جىلعى 11 ماۋسىم № 923
ەسكە سالا كەتەيىك، 14 ناۋرىزدا مەملەكەت باسشىسى قازاقستان رەسپۋبليكاسىنىڭ قارجىلىق تۇراقتىلىعىن قامتاماسىز ەتۋ شارالارى تۋرالى قاۋلىعا قول قويعان ەدى. اتالعان قاۋلىدا قر ۇلتتىق بانكى اكەتۋ كۇنىنە بەلگىلەگەن باعام بويىنشا ەسەپتەلگەن جانە 10 000 (ون مىڭ) اقش دوللارى بالاماسىنان اساتىن سوماداعى قولما-قول شەتەل ۆاليۋتاسىن جانە (نەمەسە) شەتەل ۆاليۋتاسىنداعى اقشا قۇرالدارىن;
ۇلتتىق بانكى شىعاراتىن اففينيرلەنگەن التىننىڭ 5, 10, 20, 50 جانە 100 گرامم التىن قۇيمالارىن جانە التىننان جاسالعان «ALTYN BARYS» جانە كۇمىستەن جاسالعان «KÚMIS BARYS» ينۆەستيتسيالىق مونەتالارىن، سونداي-اق 100 گرامنان استام اففينيرلەنگەن التىندى اكەتۋگە تىيىم سالىنعان ەدى.
”ادىرنا” ۇلتتىق پورتالى
