قاراعاندىدا 47 شەتەلدىك مىنگەن اۆتوبۋس بۇزىلىپ، قۇتقارۋشىلار كومەككە كەلدى

2218
Adyrna.kz Telegram
قاراعاندى وبلىسىندا "تاجىكستان-ماسكەۋ" باعىتىندا قاتىنايتىن اۆتوبۋس بۇزىلىپ، ساپارعا شىققاندار جولدا قالدى. قاراعاندى قۇتقارۋشىلارى تاجىكستاننان ماسكەۋگە باعىت العان اۆتوبۋستى جوندەپ، شەتەلدىك جولاۋشىلارعا كومەك كورسەتتى، دەپ حابارلايدى "ادىرنا" ۇلتتىق پورتالى.  

28 قاراشا كۇنى ساعات 23:00 شاماسىندا توتەنشە جاعدايلار دەپارتامەنتىنە قاراعاندىدا «گولۋبىە پرۋدى» شاعىن اۋدانىندا «تاجىكستان – ماسكەۋ» باعىتىمەن كەلە جاتقان جولاۋشىلار اۆتوبۋسىنىڭ بۇزىلعانى تۋرالى قوڭىراۋ كەلىپ تۇسكەن. كولىكتىڭ جانارماي جۇيەسى زاقىمدالعانى انىقتالعان.

- وقيعا ورنىنا جەتكەن توتەنشە جاعدايلار دەپارتامەنتىنىڭ قىزمەتكەرلەرى اۆتوبۋستىڭ تاسجولدا ورنالاسقان جەرىنىڭ قاۋىپسىزدىگىن قامتاماسىز ەتىپ، جان-جاقتى كومەك كورسەتتى. جەرگىلىكتى اتقارۋشى ورگاندار اقاۋى بار اۆتوبۋستى جىلىتۋ جاشىكتەرىنە سۇيرەتۋدى ۇيىمداستىردى، - دەدى قاراعاندى ​​وبلىسىنىڭ تجد.

"ادىرنا" ۇلتتىق پورتالى 
پىكىرلەر