قىركۇيەك ايىنان باستاپ تاراز قالاسىنىڭ اكىمى قىزمەتىنە كىرىسكەن باقىتجان امىربەكۇلى قانشا جالاقى الاتىنىن ايتتى، دەپ جازادى "ادىرنا" ۇلتتىق پورتالى.
"قالا اكىمى رەتىندە 1 ميلليون 80 مىڭ تەڭگە جالاقى الامىن. سالىقتاردى شەگەرگەندە 890 مىڭ تەڭگە. تارازدا بىلىكتى دارىگەرلەر ورتا ەسەپپەن 300-دەن 500 مىڭعا دەيىن الادى. بۇگىندە قالامىزدا ورتاشا جالاقى 180-220 مىڭ تەڭگە شاماسىندا", - دەپ اتاپ ءوتتى تاراز قالاسىنىڭ اكىمى.
جۋرناليست اكىمگە: "بىراق ماعان 70-100 مىڭ تەڭگە الامىز دەپ ايتتى عوي".
"ولار سىزگە ەڭ تومەنگى جالاقى تۋرالى ايتىپ جاتىر. ال ءبىز ورتاشا جالاقى تۋرالى ايتىپ وتىرمىز", - دەپ ءتۇسىندىردى اكىم.
جۋرناليست اكىمگە: مۇنداي الشاقتىققا قالاي قارايسىز؟ مۇندا قالا اكىمى 1 ميلليون، ال حالىق 150 مىڭ تەڭگە الادى؟
ء"سىز 70-90 مىڭ تۋرالى ايتتىڭىز. ايتا كەتۋىمىز كەرەك، بۇل جوعارى بىلىكتىلىكتى تالاپ ەتىلمەيتىن لاۋازىمدار. مەن سىزگە ايتايىن، بۇگىنگى كۇنى جوعارى بىلىكتىلىك تالاپ ەتىلەتىن جاعدايدا نارىقتاعى جارنامالاردى قاراساڭىز، بىلىكتى ماماندار جەتكىلىكتى جوعارى جالاقى الادى", - دەدى اكىم.
