وسكەمەن قالاسىنىڭ اكىمى جاقسىلىق ومار وكىلەتتىك مەرزىمىنىڭ اياقتالۋىنا بايلانىستى قىزمەتىنەن كەتتى، دەپ حابارلايدى "ادىرنا" ۇلتتىق پورتالى.
بۇل قىزمەتكە جاقسىلىق ومار 2018 جىلى تاعايىندالعان بولاتىن. ول ءوزىنىڭ الەۋمەتتىك جەلىدەگى پاراقشاسىندا قىزمەتتەن كەتۋىنىڭ سەبەپتەرىن ءتۇسىندىردى.
«قۇرمەتتى وسكەمەندىكتەر! وكىلەتتىك مەرزىمىمنىڭ اياقتالۋىنا بايلانىستى مەن قالا اكىمى قىزمەتىنەن كەتەتىنىمدى حابارلايمىن. التى جىلدان استام ۋاقىت بويى سىزدەرمەن جانە ارىپتەستەرىممەن بىرگە ورتاق كۇش-جىگەرىمىزبەن قالامىزدى جاقسارتۋ، قولايلى ءارى اسەم ەتۋ ءۇشىن جۇمىس ىستەدىك. مەنىڭ ويىمشا، كوپتەگەن جەتىستىكتەرگە قول جەتكىزدىك. جاقسى قارقىن الىپ، كۇردەلى ماسەلەلەر شەشىلدى»، – دەپ وسكەمەن تۇرعىندارىنا جاقسىلىق ومار ۇندەۋ جاسادى.
