"قوس ازاماتتىققا جاپپاي تەكسەرۋ وتكىزۋ قاجەت": ءماسىموۆ ۆەنگريا ازاماتى بولىپ شىقتى

3339
Adyrna.kz Telegram

قازىر قاماۋدا جاتقان قر ۇلتتىق قاۋىپسىزدىك كوميتەتىنىڭ بۇرىنعى توراعاسى كارىم ءماسىموۆ ۆەنگريا ازاماتى بولىپ شىقتى، دەپ جازادى "ادىرنا" ۇلتتىق پورتالى.

ۆەنگريا پرەمەر-ءمينيسترى كارىم ءماسىموۆ پەن ونىڭ وتباسى مۇشەلەرىندە ۆەنگريا ازاماتتىعى بولعانىن راستاپ وتىر.

قر پارلامەنتى ءماجىلىسىنىڭ دەپۋتاتى ەرلان سايروۆ بۇل ماسەلە بويىنشا رەسمي ورگاندارعا ساۋال جولدايتىنىن جەتكىزدى.

"ك. ءماسىموۆتىڭ "ۆەنگريا ازاماتتىعى بولعان" دەسەدى. بۇل فاكتىنى "ۆەنگريا پرەمەر ءمينيسترى ۆ.وربانت راستاعان" دەگەن اقپارات بار. جوعارى لاۋازىم يەلەرى-مينيسترلەر، اكىمدەر، ۆيتسە-مينيسترلەر، قۇقىق قورعاۋ جۇيەسىنىڭ باسشىلىعىن "قوس ازاماتتىلىق فاكتىلەرى" بويىنشا تەكسەرۋدەن وتكىزۋ قاجەت. ەلىمىزدە، جالپى "قوس ازاماتتىلىققا" قاتىستى جاپپاي تەكسەرۋ وتكىزۋ وتە ماڭىزدى. بۇل جونىندە رەسمي ورىندارعا ساۋال جولدايتىن بولامىن", - دەپ جازدى ەرلان سايروۆ.

"ادىرنا" ۇلتتىق پورتالى 

 

 

پىكىرلەر