13 قاراشا كۇنى لەس-ۆەگاستا وتكەن جانىبەك ءالىمحانۇلى مەن دەنزەل بەنتليدىڭ اراسىنداعى باستى بوكس جەكپە-جەگى ءوز مارەسىنە جەتتى. بىلعارى قولعاپ شەبەرلەرى 12 راۋند كۇش جارىستىردى. تارتىستى ايقاستا قازىلار القاسىنىڭ ءبىراۋىزدان قابىلداعان شەشىمى بويىنشا قازاقستان بوكسشىسى جەڭىسكە جەتتى، دەپ حابارلايدى "ادىرنا" ۇلتتىق پورتالى.
جانىبەك ءالىمحانۇلى ءۇشىن بۇل 13-ءشى جەكپە-جەگىندەگى 13-ءشى جەڭىسى.
جانىبەك ءالىمحانۇلى ءوز مانسابىنداعى 12 راۋندقا سوزىلعان بۇل ءبىرىنشى جەكپە-جەك ەكەنىن ايتتى.
- بۇل - بوكس. ارينە، بۇل اراعا سپورتشىلار 100% مىقتى دايىندىقپەن كەلەدى. قارسىلاسىم دا وتە جاقسى دايىندالىپ كەلىپتى. ءوزىم باسىم ءتۇستىم. بۇل مەنىڭ العاشقى 12-راۋندىم. ءالى ۇيرەنەتىن نارسەلەردىڭ بارىن كورسەتتى. قاتەلىكتەرمەن جۇمىس جاسايمىز، - دەدى جانىبەك ءالىمحانۇلى.
ءوز كەزەگىندە دەنزەل بەنتلي العاشقى راۋندتاردا نەگە سىلبىر بولعانىن ءتۇسىندىرىپ، رەۆانش سۇرادى.
- بۇل - مەنىڭ كەمشىلىگىم ەمەس. قارسىلاسىمنىڭ ويىن ورنەگىن باعالاپ، كەمشىلىگى نەدە ەكەنىن، الدا سونى ۇتىمدى پايدالانۋ ءۇشىن باستاپقى راۋندتاردا سىلبىر ءجۇردىم. رەۆانش السام دەيمىن. مەنىڭ 12 راۋندقا دەيىن بارۋىمنىڭ ءوزى كوپ نارسەنى بايقاتسا كەرەك. مەن الەم چەمپيونى بولامىن دەپ ويلادىم. قازىلار القاسىنىڭ شەشىمى عوي. دەگەنمەن بۇل مەنى مويىتپايدى. الەم چەمپيونى بولعانشا شارشى الاڭدا ونەر كورسەتە بەرەمىن! - دەدى دەنزەل بەنتلي.
"ادىرنا" ۇلتتىق پورتالى
