13 qarasha kúni Les-Vegasta ótken Jánibek Álimhanuly men Denzel Bentlıdiń arasyndaǵy basty boks jekpe-jegi óz máresine jetti. Bylǵary qolǵap sheberleri 12 raýnd kúsh jarystyrdy. Tartysty aıqasta qazylar alqasynyń biraýyzdan qabyldaǵan sheshimi boıynsha Qazaqstan boksshysy jeńiske jetti, dep habarlaıdy "Adyrna" ulttyq portaly.
Jánibek Álimhanuly úshin bul 13-shi jekpe-jegindegi 13-shi jeńisi.
Jánibek Álimhanuly óz mansabyndaǵy 12 raýndqa sozylǵan bul birinshi jekpe-jek ekenin aıtty.
- Bul - boks. Árıne, bul araǵa sportshylar 100% myqty daıyndyqpen keledi. Qarsylasym da óte jaqsy daıyndalyp kelipti. Ózim basym tústim. Bul meniń alǵashqy 12-raýndym. Áli úırenetin nárselerdiń baryn kórsetti. Qateliktermen jumys jasaımyz, - dedi Jánibek Álimhanuly.
Óz kezeginde Denzel Bentlı alǵashqy raýndtarda nege sylbyr bolǵanyn túsindirip, revansh surady.
- Bul - meniń kemshiligim emes. Qarsylasymnyń oıyn órnegin baǵalap, kemshiligi nede ekenin, alda sony utymdy paıdalaný úshin bastapqy raýndtarda sylbyr júrdim. Revansh alsam deımin. Meniń 12 raýndqa deıin barýymnyń ózi kóp nárseni baıqatsa kerek. Men Álem chempıony bolamyn dep oıladym. Qazylar alqasynyń sheshimi ǵoı. Degenmen bul meni moıytpaıdy. Álem chempıony bolǵansha sharshy alańda óner kórsete beremin! - dedi Denzel Bentlı.
"Adyrna" ulttyq portaly
