حالىقاراداعى بوكس رەيتينگى بويىنشا ترانسلياتسيالىق كەڭەس اقپاراتى (TBRB) الەمدەگى ەڭ مىقتى جۇدىرىقشىلاردىڭ جاڭا ءتىزىمىن جاريالاعان بولاتىن، دەپ حابارلايدى "ادىرنا" ۇلتتىق پورتالى.
ولاردىڭ ىشىندە لاقاپ اتى "قۇبىجىق" دەپ اتالىپ كەتكەن جاپونيالىق ناويا ينوۋە (20-0 (KO) رەيتينگتە ءبىرىنشى ورىنعا كوتەرىلدى. ول العاشقى ورىننان ساۋل "كانەلو" الۆارەستى (53-1-2, 36 كو) ەكىنشى ورىنعا ىعىستىردى. ءۇشىنشى ورىندا امەريكالىق تەرەنس كروۋفورد (36-0, 27 كو). ال وتانداسىمىز گەننادي گولوۆكين (40-1-1, 35 كو) التىنشى ورىندا.
العاشقى وندىقتا تابان تىرەپ تۇرعان بوكسشىلار ءتىزىمى:
1. ناويا ينوۋە
2. ساۋل "كانەلو" الۆارەس
3. تەرەنس كروۋفورد
4. الەكساندر ۋسيك
5. تايسون فيۋري
6. گەننادي گولوۆكين
7. تەوفيمو لوپەس
8. حۋان فرانسيسكو ەسترادا
9. ەررول سپەنس-ملادشي
10. ۆاسيلي لوماچەنكو
سوڭعى رەت ينوۋە 31 قازان كۇنى لاس-ۆەگاستا وتكەن بوكس كەشىندە شارشى الاڭعا شىعىپ، اۋستراليالىق قارسىلاسى دجەيسون ءمولونيدى جەتىنشى راۋندتا نوكاۋتقا جىبەرگەن ەدى. سول جەڭىسىنىڭ ارقاسىندا وتە جەڭىل سالماقتا WBA, IBF جانە The Ring جۋرنالىنىڭ بەلبەۋلەرىن قورعاپ قالعان بولاتىن.
ۇلاربەك دالەيۇلى
