لاس-ۆەگاستا (اقش) وتكەن UFC 296 تۋرنيرىندە قازاقستاندىق بوكسشى شاۆكات راحمونوۆتىڭ امەريكالىق ستيۆەن تومپسوندى جەڭگەنى ءۇشىن قانشا سىياقى العانى بەلگىلى بولدى.
ول جەڭىسى ءۇشىن 306 مىڭ اقش دوللارىن العان. بۇل شامامەن 141 ميلليون تەڭگە.
MMA Salaries مالىمەتتەرى بويىنشا، بۇل جەكپە-جەك ءۇشىن "Nomad" مانسابىنداعى ەڭ ۇلكەن گونوراردى – 306 مىڭ دوللار العان (150 مىڭ جەكپە-جەككە قاتىسقانى ءۇشىن، 150 مىڭ دوللار – جەڭىس ءۇشىن جانە تاعى 6 دەمەۋشىلىك بونۋس بار).
الايدا ونىڭ قارسىلاسى كوبىرەك تابىس تاپقان. تومپسونعا بەرىلگەن قاراجات 416 مىڭ دوللاردى قۇراعان (جۇدىرىقتاسۋعا شىققانى ءۇشىن 400 مىڭ جانە دەمەۋشىلەر تاراپىنان ىنتالاندىرۋ ءۇشىن 16 مىڭ دوللار).
گونورارىن كوپ العان بوكسشىلار:- لەون ەدۆاردس - $1.642.000
- الەكساندر پانتوجا - $942.000
- كولبي كوۆينگتون - $782.000
- كودي گاربراندت - $511.000
- ستيۆەن تومپسون - $416.000
- شاۆكات راحمونوۆ - $306.000
ەسكە سالا كەتەيىك، قازاقستاندىق فايتەر شاۆكات راحمونوۆ مما-داعى مەرزىمىنەن بۇرىن 18-ءشى، UFC-دەگى 6-شى جەڭىسىنە قول جەتكىزدى. وتاندىق بوكسشى لاس-ۆەگاستا وتكەن UFC 296 تۋرنيرىندە امەريكالىق ستيۆەن تومپسوندى ەكىنشى راۋندتا تۇنشىقتىرۋ ادىسىمەن جەڭگەن.
