"رەسەيلىكتەر ەلىمىزدە ۇعىنىقسىز كىتاپتار تاراتىپ، ءوز دىندەرىنە شاقىرىپ ءجۇر" - ءCابيت بايتەنوۆ

3971
Adyrna.kz Telegram
فەيسبۋك قولدانۋشىسى ءسابيت بايتەنوۆ ءوز پاراقشاسىندا قازاقستان اۋماعىنا كەلگەن رەسەيلىكتەردىڭ ءدىنى كىتاپتار تاراتىپ، ەل ساناسىنا سىنا قاعىپ جۇرگەنىن حابارلادى. اۆتور قولىنا ءدىني كىتاپ ۇستاپ، كوشە كەزگەن شەتەلدىكپەن ۇشىراسقان. ءوزىن رەسەيلىكپىن دەپ تانىستىرعان ازامات قازاقستاندىقتارعا باقىتقا جەتۋ ۇستانىمدارىن ۇيرەتىپ جۇرگەنىن ايتادى. بۇل جايتتى "ادىرنا" ۇلتتىق پورتالى باياندايدى.
"رەسەي ازاماتتارى ەلىمىزدە قر ءدىن ىستەر كوميتەتى ماقۇلداماعان كىتاپتى تاراتىپ، ءوز دىندەرىنە شاقىرىپ ءجۇر. كەشە بولعان وقيعا. 102-گە حابارلاستىم، ولار كەلمەي تۇرىپ، مەن الاڭسىز تۇرعان ءساتىمدى پايدالانىپ قولىمداعى كىتابىن جۇلىپ الىپ قاشىپ كەتتى. پوليتسەيلەر كەلىپ، ارىزىمدى الىپ قالدى. وسى ءىستى ءدىن ىستەرىمەن اينالىساتىن بولىمگە تاپسىردىق دەدى. تولىق ۆيدەونۇسقانى پوليتسەيلەرگە جىبەردىم. ناتيجەسىن كۇتەمىز. تاراتۋعا كومەكتەسسەڭىزدەر، بۇل وقيعا ءتيىستى ورگانداردىڭ نازارىنا ىلىگىپ كىنالى ادامدى ۇستاپ الار" - دەپ جازدى ءسابيت بايتەنوۆ.
اۆتور ۆيدەودا ءدىني ناسيحاتقا قۇلاش ۇرعان ازاماتقا ەسكەرتۋ جاساپ، بارلىق ءىس-ارەكەتىنىڭ زاڭدىق نەگىزدە بولۋىن تالاپ ەتەدى. قازاقستاندا رەسمي، زاڭدىق تۇرعىدا تىركەلۋى ءتيىس ەكەندىگىن ۇعىندىرادى.
ۆيدەو ءتيىستى مەكەمەلەرگە جولداندى. قازىر قۇزىرلى ورگاندار بۇل ماسەلەمەن ارنايى تۇردە اينالىسىپ جاتىر.
ەسكە سالا كەتەيىك، ءبىزدىڭ ەلىمىزدە ءدىني ناسيحات تەك قۇلشىلىق ورىندارىندا رۇقسات ەتىلگەن. وزگە ەلدىڭ ازاماتتارى ءبىزدىڭ ەلىمىزدە ميسسيونەرلىكپەن اينالىسقىسى كەلسە، مىندەتتى تۇردە تىركەۋدەن، تەكسەرىستەن ءوتۋى ءتيىس. سونىمەن قاتار، ميسسيونەرلەردىڭ ۇسىناتىن كىتاپتارى ءدىن ىستەرى كوميتەتىنىڭ ساراپتاماسى نەگىزىندە ماقۇلدانۋى قاجەت.
"ادىرنا" ۇلتتىق پورتالى
پىكىرلەر