اتىراۋ وبلىسى ءدىن ىستەرى باسقارماسىنىڭ باسشىسى قايروللا كوشقاليەۆ پەن ءىنىسى ءانشى بەيبىت كوشقاليەۆ قىزمەت ەتەتىن مەكەمەلەرىندە جەمقورلىق ءىسى بويىنشا كۇدىككە ءىلىندى، دەپ جازادى "ادىرنا". اقپارات كوررۋپتسياعا جوق Facebook پاراقشاسىندا جاريالاندى.
جازبا اۆتورىنىڭ ايتۋىنشا اتىراۋ وبلىسى ءدىن ىستەرى باسقارماسىنىڭ باسشىسى قايروللا كوشقاليەۆ ەلىمىزدەگى اعايىندىلاردىڭ ءبىر سالادا قىزمەت ەتۋگە بولمايتىنى جايلى بىلمەيتىنىن ايتىپ، ولاردىڭ، ياعني ءىنىس بەيبىت كوشقاليەۆپەن سىبايلاستىق قارىم-قاتىناسى بارىن العا تارتتى.
سونداي-اق، بەيبىت كوشقاليەۆ ءدىن ىستەر باسقارماسىنىڭ ىرگەسىنەن اشىلعان دەسترۋكتيۆتى اعىمداردان ايىقتىرۋ ”شاپاعات” ورتالىعىندا قىزمەت ەتەتىنىن، وزدەرىنىڭ مۇناي قۇبىرلارى بار ەكەنىن جازدى.
"كۋشكاليەۆتەردىڭ ءوز مۇناي قۇبىرلارى بار ەكەنىن دە باۋىرى جاسىرماپتى. جاقىندا كوكەسىنىڭ تاپسىرماسىمەن باۋىرى ءپارۋانا دەگەن كينو ءتۇسىردى. ۆاھابيتتەردى كەرى قايتارۋعا باعىتتالعان جوبا بويىنشا مىس. ولاردىڭ بيۋدجەتتەن بولگەن قاراجاتىنا ونداي كينونىڭ ونشاقتىسىن تۇسىرۋگە بولاتىنىن باسقارما ۇجىمىنىڭ ىشىندە دە، سىرتىندا دا پىشپىشتاپ جۇرگەندەردى كەزدەستىرۋگە بولادى. سىرت كوزگە كۋشكاليەۆ حايروللانىڭ ءدىن باعىتىنا ەڭبەك سىڭىرگەندەي كوزبوياۋشىلىعى ستاتيستيكا مەن الەۋمەتتىك جەلىسىندەگى ەسەپ تۇرعىسىنان بولماسا، اتىراۋ مەشىتتەرىنىڭ ىشتەرى ديسترۋكتيۆتى اعىمدارعا تولىپ تۇرعانىن ءدىني ساۋاتسىز ادام دا اجىراتا الادى" دەپ جازدى جازبا اۆتورى
تاراعان اقپاراتتىڭ راس-وتىرىگىن ءبىلۋ ءۇشىن اتىراۋ وبلىستىق ءدىني باسقارماسىنا جانە وبلىس اكىمدىگىنە دە حابارلاسىپ "ادىرنا" ۇجىمى جاۋاپ الا المادى. دەگەنمەن، e-otinish قوسىمشاسى ارقىلى باسقارماعا رەسمي ساۋال جولدادى. الداعى ۋاقىتتا جاۋاپ بەرىلسە رەداكتسيا حابارلايتىن بولادى.
ۇقساس جاڭالىقتار
