پرەزيدەنتتىككە ۇمىتكەرلەر اراسىندا وتكەن تەلەدەبات بارىسىندا «قازاق انالارى – داستۇرگە جول» رەسپۋبليكالىق قوعامدىق بىرلەستىگى اتىنان ۇسىنىلعان كانديدات سالتانات تۇرسىنبەكوۆ مەن «امانات» قازاقستاننىڭ كاسىپوداقتار ىنتىماقتاستىعى» رەسپۋبليكالىق كاسىپوداقتار بىرلەستىگى اتىنان ۇسىنىلعان مەيرام قاجىكەن ءوزارا پىكىر جارىستىردى. وي-الامانىندا تارتىسقان كانديدارتتار ءبىر-بىرىنە وتكىن سۇراق قويىپ، ءوز ۇستانىمدارىن انىق تانىتتى.
سالتانات تۇرسىنبەكوۆا «امانات» قازاقستاننىڭ كاسىپوداقتار ىنتىماقتاستىعى» رەسپۋبليكالىق كاسىپوداقتار بىرلەستىگى اتىنان ۇسىنىلعان مەيرام قاجىكەننەن «ءسىز كىمسىز، ميستەر قاجىكەن؟ ءسىزدىڭ ارتىڭىزدا كىم تۇر؟» دەپ سۇرادى. ول قاجىكەننىڭ بۇرىن-سوڭدى قوعامدا كوزگە كوپ تۇسپەگەنىن العا تارتتى. مەيرام قاجىكەن بۇل ساۋالدىڭ جاۋابىن كاسىبي قىزمەتىمەن ۇشتاستىرىپ، سايلاۋعا ءتۇسۋىن 1,1 ميلليون ادام ماقۇلداعانىن ايتتى.
- مەنى مەنىڭ ارىپتەستەرىم، ونىڭ ىشىندە عىلىمي كونفەرەنتسيالار، جاريالانىمدار ارقىلى شەتەلدىك ارىپتەستەرىم تانيدى. مەن كاسىبي ورتادا تانىمالمىن. ال مەنىڭ ارتىمدا كىم تۇرعانىنا كەلسەك، مەنىڭ ارتىمدا كاسىپوداقتار تۇر. مەنى كاسىپوداق ۇسىندى. مەنىڭ پرەزيدەنت سايلاۋىنا ءتۇسۋىمدى 1,1 ميلليون ادام ۇسىندى. مەن ولاردىڭ ءۇمىتىن اقتاۋىم قاجەت»، - دەدى مەيرام قاجىكەن.
ايتا كەتەيىك، كۇنى كەشە قازاقستان پرەزيدەنتتىگىنە كانديداتتار مەن ولاردىڭ وكىلدەرى اراسىندا تەلەۆيزيالىق دەبات ءوتىپ، ۇمىتكەرلەر ءوز باعدارلامالارىن حالىقپەن بىرگە تالقىلادى.
"ادىرنا" ۇلتتىق پورتالى
