شاڭعىشى بانيا جالەن 1999 جىلى قىتايدىڭ شىڭجاڭ-ۇيعىر اۆتونوميالىق اۋدانى (شۇار) التاي ايماعىنىڭ زيمۋناي اۋدانىندا دۇنيەگە كەلگەن. ول شاڭعىمەن كاسىبي تۇردە 2017 جىلى اينالىسا باستادى، ال ءتورت جىلدان كەيىن شاڭعى جارىسىنان قىتاي ايەلدەر كومانداسىنىڭ مۇشەسى بولدى. 2021 جىلدىڭ قاراشا ايىندا شىڭجاڭنىڭ «ىستىق بۇلاق» سەرياسى بويىنشا جالپى ستارتتان ايەلدەر اراسىنداعى جارىستا 30 شاقىرىمدىق قاشىقتىقتا 1:28:36,8 ناتيجەمەن ەكىنشى بولدى.
كونكيمەن جۇگىرۋشى اقنار ارداق 1999 جىلى قىتايدىڭ شۇار-ىندا دۇنيەگە كەلگەن. كونكيمەن جۇگىرۋدەن رەسپۋبليكالىق جانە حالىقارالىق جارىستاردىڭ جەڭىمپازى. قىتاي قۇراماسىنىڭ مۇشەسى رەتىندە ول 2020 جىلى اقش-تا وتكەن كونكيمەن سىرعاناۋدان ءتورت قۇرلىق چەمپيوناتىندا 3:14:15,3 ناتيجەمەن ايەلدەر كومانداسىنىڭ قولا جۇلدەسىن جەڭىپ الدى. 2022 جىلى قاڭتاردا بەيجىڭدە وتەتىن قىسقى وليمپيادا ويىندارىنا ىرىكتەۋ جارىسىندا قىتاي قۇراماسىنىڭ مۇشەلەرى اراسىندا اقنار ارداق 3000 م جانە 5000 م قاشىقتىقتا ەكى رەت ءبىرىنشى ورىندى يەلەندى.
قىتايلىق 2 قازاق قىز شىقتى بۇگىن جارىسقا. كونكيدەن جاڭا اقنار ارداق ءبىرىنشى جۇپتا وليمپيادا اڭىزى نەمىس پەشتەيننەن وزدى. ەندى جالپى ناتيجەسىن كۇتەمىز.كوممەنتاتورلار قانداستارىمىزدى دا ايتىپ وتىرسا دەگەن تىلەك. بۇل سپورتشىلار تۋرالى الدىن الا اقپارات شىقتى عوي وليمپيادا الدىندا. اقنار تۋرالى ەشتەڭە ايتپادى جاڭا. تالاي جۇلدە الىپ جۇرگەن سپورتشى. ەرەسەكتەرگە ەندى عانا شىعىپ جۇرگەن سياقتى.
