كەلەسى وقۋ جىلىنان باستاپ 5-8 جانە 10-سىنىپ وقۋشىلارى قازاق تىلىنەن ەمتيحان تاپسىرادى. بۇل تۋرالى وقۋ-اعارتۋ مينيسترلىگى حابارلادى، دەپ جازادى "ادىرنا" ۇلتتىق پورتالى.
«قازاق ءتىلى» پانىنەن ەمتيحاندى 5-8, 10-سىنىپ وقۋشىلارى تاپسىرادى. مۇنداي وزگەرىستەر كەلەسى (2023-2024) وقۋ جىلىنان باستاپ ەنگىزىلەدى.
بۇعان دەيىن قازاق تىلىنەن ەمتيحاندى تەك 9 جانە 11-سىنىپ وقۋشىلارى عانا تاپسىراتىن. ولار دا وسى پاننەن ەمتيحان تاپسىرۋدى جالعاستىرادى.
بۇعان دەيىن بۇل ۇسىنىس قازاق ءتىلى مۇعالىمدەرىنىڭ سەزىندە جانە وقۋ-اعارتۋ ءمينيسترىنىڭ قاتىسۋىمەن وتكەن مۇعالىمدەر قاۋىمداستىعى وكىلدەرىنىڭ كەزدەسۋىندە ايتىلعان بولاتىن.
قازاق تىلىنەن ەمتيحان جازباشا جانە اۋىزشا تۇردە وتەدى. تىڭداۋ، ايتۋ، وقۋ جانە جازۋ سياقتى داعدىلار باعالانادى. ەمتيحان تاپسىرمالارىن وقىتۋشىلار اكادەميالىق ادالدىق قاعيداتتارىن ساقتاي وتىرىپ وزدەرى قۇراستىرادى.
بۇل ءپان بويىنشا قورىتىندى باعالار 5-8, 10-سىنىپتاردا ەمتيحان جانە جىلدىق باعالاۋ قورىتىندىلارى بويىنشا قويىلادى.
"ادىرنا" ۇلتتىق پورتالى
