تۇركىستاندا بىردەن 3 اۋىل مەكتەبىنىڭ دارەتحاناسى جاڭارتىلدى

3928
Adyrna.kz Telegram

تۇركىستان وبلىسى سوزاق اۋدانىنداعى بىردەن 3 مەكتەپتىڭ دارەتحاناسى ىشكە اۋىستىرىلدى. دەمەۋشىلەردىڭ كومەگىمەن ولار تولىق جاڭارتىلىپ، كۇردەلى جوندەۋ جۇمىستارى جۇرگىزىلدى، دەپ جازادى "ادىرنا" ۇلتتىق پورتالى.

ءتيىستى اجەتحانالار جارتىتوبە اۋىلدىق وكرۋگىنە قاراستى جارتىتوبە، اققولتىق، باباتا ەلدىمەكەندەرىنىڭ ش. ءۋاليحانوۆ، ق. كەمەلۇلى جانە م. مامەتوۆا اتىنداعى جالپى ورتا مەكتەپتەرىندە ورنالاسقان.

اتالعان ىسپەن اينالىسقان «ەكو اتامەكەن» قوعامدىق بىرلەستىگىنىڭ ءتورايىمى گۇلنار نيازوۆا وسىلايشا وقۋشىلارعا جاسالعان جاعدايعا جەرگىلىكتى حالىق، ونىڭ ىشىندە مۇعالىمدەر مەن اتا-انالار قاۋىمى ريزالىعىن ءبىلدىرىپ جاتقانىن ايتادى.

«2010 جىلى مەكتەپتەر جاڭارتىلىپ، پايدالانۋعا بەرىلگەنىمەن، وقۋشىلارعا ارنالعان اجەتحانالار قولدانۋعا جارامسىز كۇيدە تاپسىرىلعان. 2019 جىلى ءبىلىم جانە عىلىم ءمينيسترى ءبىلىم بەرۋ مەكەمەلەرىندەگى سىرتقى اجەتحانالاردى جويىپ، مەكتەپ عيماراتىنىڭ ىشىنەن سالۋدى نۇقساعانى ايان. وكىنىشكە وراي، بيۋدجەتتەگى قاراجاتتىڭ تاپشىلىعىنا بايلانىستى تاپسىرما ورىندالمادى»، - دەپ ماسەلەنىڭ ءمانىن تارقاتادى ول.

ساراپشىنىڭ سوزىنشە، كۇنى بۇگىنگە دەيىن ەلىمىزدىڭ كوپتەگەن شالعاي ەلدىمەكەندەرىندە وقۋشىلار مەن مەكتەپ قىزمەتكەرلەرى دالاداعى اجەەتحانالارعا بارۋعا ءماجبۇر. ەشقانداي سانيتارلىق نورمالارعا ساي كەلمەيتىن ولاردىڭ وسكەلەڭ ۇرپاقتىڭ دەنساۋلىعى مەن قاۋىپسىزدىگىنە تەرىس اسەرىن تيگىزەتىنى انىق (اسىرەسە قىس مەزگىلىندە قىز بالالاردىڭ).

جوعارىدا اتالعان الەۋمەتتىك جوبا بيىل «سامۇرىق-قازىنا» اق كومپانيالار توبى اتىنان «Samruk-Kazyna Trust» كورپوراتيۆتىك قورىنىڭ قولداۋىمەن جۇزەگە اسىپ وتىر.

"ادىرنا" ۇلتتىق پورتالى 

 

Реклама
  • ИП Попов А.П.
  • ИНН: 602715631406
Мы с мужем обрели вторую молодость! Вот как ему вернули потенцию…
Реклама
  • ИП Попов А.П.
  • ИНН: 602715631406
Каждый диабетик в г.Колумбус с 12 февраля имеет право получить...
Реклама
  • ИП Попов А.П.
  • ИНН: 602715631406
Школьники потрясли всю сеть этим танцем — смотреть без детей!
پىكىرلەر