اتىراۋ وبلىستىق ءماسليحات دەپۋتاتىنىڭ تۋ جامىلعان تۇلپاردا وتىرعان فوتوسى سىنعا قالدى

5295
Adyrna.kz Telegram

اتىراۋ وبلىسى قۇرمانعازى اۋداندىق ءماسليحاتىنىڭ دەپۋتاتى بەرجان كەنجەباەۆتىڭ 63 جاسقا تولۋىنا وراي جەرلەستەرى ءتۇرلى قۇرمەت كورسەتكەن. سونىڭ ءبىرى - اتقا تۋدى جابىن رەتىندە جاۋىپ، تارتۋ ەتۋى الەۋمەتتىك جەلىدە قىزۋ پىكىرتالاس تۋدىردى. بۇل تۋرالى Facebook جەلىسىندە ەرجان تولەك ەسىمدى ازامات جازبا قالدىرعان، دەپ حابارلايدى “ادىرنا” ۇلتتىق پورتالى.

«مىناعان نە دەيسىزدەر ەندى. بۇل تۋعا ورانعان تۇلپار. بىرەۋگە قۇرمەت كورسەتەمىن دەپ اسىرا سىلتەيتىندەر دە بار»،- دەلىنگەن جازبادا.

بۇل شۋعا اۋداندىق اكىمدىك تە جاۋاپ بەردى.

«قۇرمانعازى اۋدانى ەڭبەكشى اۋىلدىق وكرۋگىندە اۋدانعا بەلگىلى ازاماتقا كورسەتىلگەن قۇرمەت جەكە ادامدار جانە قوعامدىق ۇيىم-ارداگەرلەر كەڭەسى تارپىنان بولعانىن ەسكەرە وتىرىپ، تارتۋ ەتكەن اتقا جابىلعان تۋ ەلەمەنتتەرى بەلگىلەنگەن جابىندى ارنايى زوودۋكەندەردەن الىنعانىن قاپەرىڭىزگە بەرەمىز»، - دەگەن اقپارات بەرگەن.

پىكىرلەر