پرەزيدەنتتىككە ۇمىتكەر نۇرلان اۋەسباەۆ 7 قاراشا كۇنى ورال قالاسىندا ورنالاسقان باتىس قازاقستان وبلىستىق سايلاۋالدى شتابقا ساپارمەن باردى. وندا ول پرەزيدەنتتىك باسقارۋ فورماسىنان باس تارتۋ كەرەگىن ايتتى، دەپ حابارلايدى “ادىرنا” ۇلتتىق پورتالى.
“قالا اكتيۆىمەن كەزدەسىپ، ءوزىمنىڭ سايلاۋالدى باعدارلامامنىڭ نەگىزگى تارماقتارىنا توقتالدىم. ءبىراز سۇراق قويىلدى. بيلىك ءبىر ادامنىڭ قولىنا شوعىرلاناتىن پرەزيدەنتتىك باسقارۋ فورماسىنان باس تارتۋىمىز قاجەت دەگەن باستى ويىمدى جەتكىزدىم. ۇكىمەت دامۋعا مۇمكىندىك بەرمەي وتىرعان وليگارحتاردى ەمەس، كەرىسىنشە، حالىق مۇددەسىن ءبىرىنشى ورىنعا قويۋ قاجەت. جەمقورلىقتى جەڭىپ، مەملەكەتتىڭ باسقارۋ جۇيەسىن وزگەرتكەن جاعدايدا عانا ءبىز ەكونوميكالىق جاعدايىمىزدى تۇزەتە الامىز”،- دەپ جازدى ول ساپارى تۋرالى Instagram پاراقشاسىنا.
