Prezıdenttikke úmitker Nurlan Áýesbaev 7 qarasha kúni Oral qalasynda ornalasqan Batys Qazaqstan oblystyq saılaýaldy shtabqa saparmen bardy. Onda ol prezıdenttik basqarý formasynan bas tartý keregin aıtty, dep habarlaıdy “Adyrna” ulttyq portaly.
“Qala aktıvimen kezdesip, ózimniń saılaýaldy baǵdarlamamnyń negizgi tarmaqtaryna toqtaldym. Biraz suraq qoıyldy. Bılik bir adamnyń qolyna shoǵyrlanatyn prezıdenttik basqarý formasynan bas tartýymyz qajet degen basty oıymdy jetkizdim. Úkimet damýǵa múmkindik bermeı otyrǵan olıgarhtardy emes, kerisinshe, halyq múddesin birinshi orynǵa qoıý qajet. Jemqorlyqty jeńip, memlekettiń basqarý júıesin ózgertken jaǵdaıda ǵana biz ekonomıkalyq jaǵdaıymyzdy túzete alamyz”,- dep jazdy ol sapary týraly Instagram paraqshasyna.
