ساتباەۆ قالاسىندا گاسترولدە جۇرگەن «شاپيتو» تسيركىنىڭ 18 جاستاعى تسيرك ءارتىسى ءولى تابىلدى، دەپ جازادى "ادىرنا" ۇلتتىق پورتالى.
پوليتسيانىڭ بولجامىنا سۇيەنسەك، قايعىلى وقيعا كەزىندە تسيرك ساتباەۆ قالاسىندا گاسترولدە بولعان 18 جاستاعى تسيرك ءارتىسى ءوز-وزىنە قول جۇمسادى. الايدا مارقۇمنىڭ تۋىسقاندارى بۇعان سەنبەيتىندەرىن جەتكىزدى.
«اتالمىش فاكت بويىنشا ساتباەۆ پوليتسيا ءبولىمى قر قك-ءنىڭ 105-بابى «ءوزىن-ءوزى ولتىرۋگە دەيىن جەتكىزۋ» بويىنشا سوتقا دەيىنگى تەرگەۋدى باستادى. ءتيىستى ساراپتامالار تاعايىندالدى، ولاردىڭ ناتيجەلەرى بويىنشا پروتسەسسۋالدى شەشىم قابىلداناتىن بولادى»، - دەلىنگەن رەسمي حابارلامادا.
ماريا كاتتسۋن ەسترادالىق تسيرك ۋچيليششەسىندە وقىپ، جازدا الماتىداعى «شاپيتو» تسيركىمەن وندىرىستىك تاجىريبەدەن ءوتۋ تۋرالى كەلىسىمشارتقا قول قويعان.
"ادىرنا" ۇلتتىق پورتالى
