QR Premer-Mınıstri Álıhan Smaıylovtyń Májilis depýtattarynyń saýalyna bergen jaýabynda el zańnamasyna memlekettik tildi bilmeıtinderdi azamattyqqa qabyldaýdan bas tartýdy kózdeıtin túzetýler ázirlenetinin jetkizdi. Bul týraly inform.kz habarlady, dep jazady "Adyrna" ulttyq portaly.
«Qazirgi ýaqytta «Qazaqstan Respýblıkasynyń azamattyǵy týraly» Zańǵa memlekettik tildi, tarıh pen ulttyq zańnamanyń negizderin bilmeýdi azamattyqqa qabyldaýdan jáne qalpyna keltirýden bas tartý úshin qosymsha negiz retinde kózdeıtin, sondaı-aq qos azamattyǵy faktileriniń aldyn alýǵa baǵyttalǵan túzetýler ázirlendi», - dep atap ótti Úkimet basshysy.
Premer-Mınıstrdiń aıtýynsha, atalǵan zańnamalyq túzetýler Parlament depýtattary bastama jasaǵan «Qazaqstan Respýblıkasynyń keıbir zańnamalyq aktilerine halyqtyń kóshi-qony salasyndaǵy zańnamany jetildirý máseleleri boıynsha ózgerister men tolyqtyrýlar engizý týraly» zań jobasy boıynsha Parlament depýtattarynyń túzetýlerine, Úkimet qorytyndysynyń jobasyna engizildi.
Aıta keteıik, Májilis depýtattarynyń saýalynda qonys aýdarýshylardyń qos azamattyǵyn tekserýge jáne quqyqtyq is-sharalar qabyldaýǵa qatysty máseleler kóterilgen bolatyn.
"Adyrna" ulttyq portaly
