Búginde mektep jasyna deıingi balalardy balabaqshamen qamtý isi kún tártibindegi ózektiligin joǵaltqan emes. Bul túıitkil tipti Memleket basshysynyńda basty nazarynda, dep jazdy «Adyrna» tilshisi.
Oǵan dálel, Qazaqstan Respýblıkasynyń Prezıdenti Qasym-Jomart Kemeluly óziniń halyqqa Joldaýynda aıtqan sózi.
«Mektepke deıingi tárbıe jumysy basty nazarda bolý kerek. Alaıda bizde 2-den 6 jasqa deıingi balalardyń dartysynan astamy ǵana balabaqshaǵa barady. Mundaı olqylyqqa jol berýge bolmaıdy. Balalardy balabaqshamen qamtamasyz etý máselesin túpkilikti sheshý qajet. Oǵan qosa tárbıeshilerdiń áleýmettik statýsyn kóterip, jalaqysyn kóbeıtý kerek», - degen edi Qasym-Jomart Toqaev.
Búgingi kúni alyp qala Almatyda bul másele kezeń-kezeńimen sheshimin tabýda. Bul týraly qala ákimi Erbolat Dosaev Almaly aýdanynyń turǵyndarmen kezdesý barysynda aıtyp berdi.
Qala basshysynyń sózine sensek, aldaǵy tańda Almaly aýdanynda 5 jekemenshik balabaqsha ashyldy.
«Balalardy mektepke deıingi bilimmen barynsha qamtý úshin bıyl Almaly aýdany boıynsha 225 oryndyq 5 jekemenshik balabaqsha ashyldy. № 7 balabaqshany seısmıkalyq kúsheıtý jumystary aıaqtaldy. Jobalyq qýatty 75 orynǵa ulǵaıta otyryp, №43 balabaqsha ǵımaratynyń buryn jeke menshikte bolǵan bóligi satyp alyndy», – dedi Erbolat Dosaev.
Qala ákiminiń aıtýynsha 2023 jyldyń II-toqsanynda kúrdeli jóndeý boıynsha jobalaý-smetalyq qujattama ázirleýdi bastaý josparlanǵan.
«Osy jyldyń sońyna deıin Máýlenov-Áıteke bı kósheleriniń qıylysynda buryn jalǵa berilgen balabaqsha ǵımaratyn kúrdeli jóndeýden ótkizip, seısmıkalyq kúsheıtý úshin jobalaý-smetalyq qujattama ázirlenedi. 2023 jyldyń 3-toqsanynda qurylys-montajdaý jumystary júrgiziledi», – dedi Almaty qalasynyń ákimi.